Eh, ano kung luhaan man si Valerie Weigmann sa Miss World? Hindi naman nabawasan ang ganda niya. Naswertehan lang na last year halos nakopo natin lahat nang international beauty pageants kaya ngayon, talunan ang bansa natin, kasama na si Valerie. Weder weder lang talaga ‘yan. Hindi lang siya naging maswerte.
Aiai ayaw pa ring tantanan ng mga naninira sa relasyon nila ng 20 anyos
Paano ba naman sasaya si AiAi delas Alas kung ganyang ang dami-dami niyang naririnig na negatibo tungkol sa pakikipagrelasyon niya sa isang mas batang lalaki? Nagtanggal na nga siya ng mga account niya sa social media pero hindi pa rin mawala ang mga nakakainis na mga komento at opinyon na siguro ay naririndi na siyanag basahin. Pwede ko kayang payuhan siya na huwag na lang niyang pansinin?
Aiza tanggap ng pamilya ang pag-aasawa
Hindi totoong hindi pa lubusang tanggap ng ina ni Aiza Seguerra ang pagpapakasal sa isang kapareho niyang babae. Bago pa lamang naman tayo sa ating pagtanggap sa ganitong sitwasyon pero kapag mahal natin ang isang tao, wala naman tayong hindi matatanggap sa kanila.