CEBU, Philippines - Ang inila nga book author ug preacher nga si Bro. Bo Sanchez nisaysay dinhi sa Banat In, nga ang kinabuhi sa tawo susama ra og sitwasyon sa eroplano nga matud pa dunay target nga destinasyon.
Ang mga tawo nga nisakay og eroplano misalig sa piloto alang sa luwas nga pagbyahe hangtud nga muabot kini sa lugar nga tikangan.
“Ganyan din sa buhay ng tao, kung may tiwala tayo sa Panginoon, seguradong matutupad din ang ating mga pangarap,” nagkanayon si Bro. Bo.
Mapasalamaton si Bro. Bo sa dul-an sa 4,000 ka mga tawo nga mitikang sa bag-ohay lang nga Kerygma Conference 2014 nga gipahigayon diha sa Hoops Dome sa Lapu-Lapu City.
Gihulagway ni Bro. Bo ang mga Sugbuanon nga mapahiyomon kaayo nga pagkatawo ug relihiyoso pa gyud kaayo.
Gawas sa mga Sugbuanon , gikatahong nitambong usab sa maong kalihukan ang mga tawo gikan sa silingang mga lugar sa Sugbo sama sa Maasin sa Southern Leyte, Bohol, Bacolod, Iloilo ug Dumaguete.