CEBU, Philippines - Moabot ngadto sa 25 ka mga batang dunay cancer sa Philippine Children’s Medical Center ang gihatagan og regalo ni Edu Manzano sa miaging adlaw. Gisuroy pa gyud ni Edu ang maong mga bata sa Enchanted Kingdom.
Partner sa martial arts
Mapsigarbohong gibutyag ni Robin Padilla nga ang asawa niya nga si Mariel Rodriguez maoy iyang partner sa martial arts. Misamot kalig-on ang ilang relasyon gumikan sa kanunay nila nga bonding.
Mag-uban sa pelikula
Naghudyaka og maayo ang magkaluha nga kanhi housemates sa Pinoy Big Brother: All In nga sila si Fourth and Fifth Pagotan gumikan kay malakip sila sa umaabot nga pelikula sa Star Cinema nga nag-ulohan og Halik Sa Hangin. Ang maong pelikula pagabidahan nila ni Gerald Anderson ug Julia Montes.
Bag-ong balay
Naghinam- hinam na si Alden Richards sa pagsugat sa bag-ong tuig gumikan kay saulogon niya kini sa bag-o niya nga balay sa Laguna. Malipayon si Alden gumikan kay duna gyud siya’y nakita sa iyang hinagoan sa showbiz.
Janine todo trabaho sa 2015
Gibutyag ni Lotlot de Leon nga makabuhong nga mga proyekto ang nagpaabot sa iyang anak nga si Janine Gutierrez karong 2015 gumikan kay gawas sa acting projects, kini ang usab ang cover girl sa tulo ka mga magazine. Giklaro hinuon ni Lotlot nga dili kini sexy magazine.