Hi dear okRYANians! I-share lang nako ang pipila ka questions sa tinuig nga okRYAN Tell All nga human napostpone adtong December 5 nga akong birthday gumikan sa bagyo, nahinayon na gyud niadtong December 13.
Tito George Uy of Bacong Negros: Hangtud kanus-a pa namo madungog ug makauban si okRYAN sa kahanginan.
okRYAN: Kun akoy pabut-on, two years na lang. By 2016, 10 years na ang okRYAN, I’m so ready to go and try something else somewhere, maybe outside the media industry.
Lola Nia, Talibon Bohol: Ganahan ba ka og mga mahalong butang?
okRYAN: Dili. Nagtubo man gud ko nga simple ra among pamilya. Kun unsa ray makaya ug bunga sa hinaguan mao ray amoa. Simple ra mi, nga nagtubo ko sa isla sa Pilar, mangompra mi sa Ormoc kada buwan, mangaon mi og carenderia, unya naay pancit sa lamisa nagtuo ko nga datu na mi. Pag-abot nako sa Cebu, nakarealize ko nga kana diay’ng carenderia kan-anan diay na sa igo ra gyud ang budget, nga naa pa diay gitawag og restaurant, unya kun datu gyud mo, adto mo mukaon sa mga fine dining restaurant.
Michelle of Boljoon: Kun mag-reunion ming mga okRYANians, asa imong gusto nga magkita mi? Please tagai mi og guidelines.
okRYAN: Ganahan ko nga sa Basilica del Sto. Nino. Muingon ang uban nga oa ko kay adto gyud, pero kana man gung Sto. Nino, or i have a very special relationship with the Sto. Nino, kay lagi pobre man gyud mi didto sa isla, kun masakit mi, kanang imahe ni Sto. Nino, itapion man gud na sa akong mama sa part sa among lawas nga nagsakit, maayo na dayon mi inig ka taod-taod. And kun hain man gani ko karon, niabot ko sa akong nahimutangan gumikan sa akong paningkamot ug sa paggiya ni Sto. Nino. Maong gusto ko nga adto didto, dungan ta nga manimba, then we’ll talk about life and faith inig human.
okRYANian: What is your favorite food?
okRYAN: Usa ra gyud? Food ra gyud? hahaha..Sige, sardinas, unya paresan man gyud na’g bahaw. So sardinas is my favorite food, bisag unsa nga brand. Mabuhi ra gyud ko og sardinas, pero dili lang sab siguro kada adlaw ko mukaon ana. Hahahaha...