CEBU, Philippines - Mipadayag sa iyang pasalamat si Pope Francis ngadto sa aktres nga si Rita Avila gumikan sa libro nga gipadala niini ngadto sa labing dako nga opisyal sa Simbahang Katoliko.
Nahimuot si Pope Francis sa nahimong inspirasyon ni Rita sa pagsuwat sa libro niini nga nag-ulohan og 8 Ways To Comfort With Grace at The Invisible Wings.
Pinaagi sa tabang ni Msgr. Peter Wells nga maoy assessor for general affairs sa Vatican, nagpadala og mensahe ang Santo Papa alang kang Rita.
Ang suwat ni Msgr. Wells nagkanayon:
“Dear Rita Avila, His Holy father wishes me to express his gratitude for the kind gift of inscribed copies of your books. He appreciates the sentiments which prompted you to share your writings with him. ”His Holiness will remember you and your husband in his prayers. He invokes upon you God’s blessings of strength and peace.”
Dako ang pasalamat ni Rita ug sa bana niya nga si Erick “FM” Reyes gumikan sa suwat nga nadawat nila gikan sa Vatican ug naatol usab kini sa 8th death anniversary sa ilang anak nga si Ellia Jesu .