Kris uniform ang facial expression sa kanyang tatlong horror film; Dapat level up na: Rufa Mae Quinto hindi na binabagayan ng pagpapa-sexy

SCENE : Walang ipinagkaiba ang facial expression ni Kris Aquino sa movie posters ng Feng Shui 2 , Dalaw, at Segunda Mano. Ang Feng Shui 2 ang pelikula ni Kris Aquino para sa Metro Manila Film Festival 2014, ang Dalaw ang MMFF entry niya noong 2010 at 2011 MMFF movie ang Segunda Mano.

SEEN : Ang maling report ni Cheryl Cosim sa Aksyon noong Huwebes na humakot ng mga trophy sa Anak TV Seal Awards si Angel Aquino dahil si Angel Locsin ang aktres na umani ng mga parangal. Si Angel Locsin ang ipinakita sa video clip ng late newscast ng TV5. 

SCENE : Hindi natural ang ‘banter’ ni Cheryl Cosim at ng kanyang co-anchor na si Ed Lingao sa Aksyon. Nagkakaroon sila ng dead air dahil sa kawalan ng mga sasabihin para sa isa’t isa. 

SEEN : Second runner up sa Miss Intercontinental 2014 si Kris Tiffany Janson ng Pilipinas. Miss Intercontinental winner si Miss Thailand Patraporn Wang.

SCENE : Mapapanood sa Lifetime Channel ang Whitney, ang life story ni Whitney Houston. Sa January 17, 2015 ang pilot telecast ng Whitney.

SEEN : Pilit at hindi na bagay kay Rufa Mae Quinto ang pagpapaseksi sa mga showbiz event na pinupuntahan at sa mga litrato niya sa kanyang social media account.

SCENE : Ang Once Upon a Kiss ang next project ni Gabby Eigenmann sa GMA 7. Mapapanood sa January 2015 ang Once Upon a Kiss.