SEEN: Kahapon ang 30th birthday ni Joross Gamboa at ngayon ang kasal nila ng kanyang fiancee na si Kathy Kimberly Saga sa Fernbrook Gardens, Alabang.
SCENE: Sold out ang tickets kahapon sa International Premier Tennis League (IPTL) tour sa Mall of Asia Arena na pinangunahan ng famous tennis player na si Maria Sharapova.
SEEN : Second time ni Maria Sharapova sa Pilipinas dahil nagbakasyon siya sa Palawan, tatlong linggo na ang nakararaan. Nailihim ni Sharapova sa local media ang pagbisita niya sa Palawan.
SCENE: Daig ng maagap ang masipag. Nagsimula nang mag-promote si Robin Padilla sa The Ryzza Mae Show at sa AM radio station ng GMA 7 ng Bonifacio, Ang Unang Pangulo, ang pelikula niya na opisyal na kalahok sa Metro Manila Film Festival 2014.
SEEN: Ang naudlot na airing ng Flor De Liza, ang comeback teleserye ni Jolina Magdangal sa ABS CBN. “Maybe December” ang sagot ng ABS-CBN insider tungkol sa playdate ng Flor De Liza.
SCENE: Another Sharon Cuneta ang “label” kay Lea Salonga na pinapatulan ang mga hater at basher niya sa social media. Dapat matuto si Lea sa mga naging karanasan ni Sharon sa social media.
SEEN: Naririto sa Pilipinas si Kobe Paras. Umuwi ng bansa si Kobe para sa kanyang short vacation.
SCENE: Ngayon ang coronation night ng Miss Earth 2014 sa UP Theater, Quezon City. Maglalaban para sa Miss Earth crown ang 85 candidates mula sa iba’t-ibang panig ng mundo.