Lami og tingog
CEBU, Philippines - Nagmaya si Janella Salvador gumikan kay natagad na gyud sa mga tawo ang iyang tingog. “I’m actually happy because it all started with Himig Handog, I didn’t expect it na [it will start] my singing career, feeling ko this is the start na. I’m happy that people are starting to hear my voice kasi I really love singing since I was a kid,” suma pa niya.
Oh My G!
Sila si Marlo Mortel ug Manolo Pedrosa maoy makauban ni Janella Salvador sa umaabot nga serye sa ABS-CBN nga Oh My G!. Sugdan na ang maong proyekto sa unang bahin sunod tuig.
Nakaimpluwensya ni Kathryn
Gihulagway ni Kathryn Bernardo ang iyang debut album nga “sweet, young and happy.” Ang mga singer nga nakaimpluwensya kaniya sa pagkanta mao sila si Juris, Michael Bublé, Ariana Grande, Taylor Swift ug ang iyang idol nga si Sarah Geronimo.
Wa’y problema sa age gap
Gibutyag ni Bianca King nga dili problema kanila sa iyang uyab nga si Julio Villafuerte ang age gap. Nagkanayon ang aktres nga mas mature og huna-huna ang iyang boyfriend kumpara kaniya. Si Bianca nag-edad og 28, samtang ang iyang uyab nag-edad og 23.
Nataypan ni Mariz
Gibutyag sa PBB All-In first big placer Mariz Racal nga crush niya sila si Daniel Padilla ug James Reid bisan pa man kaniadtong wala pa siya maartista. Kung pag-arte ang hisgutan, iyang giidolo ang Star for all Season nga si Vilma Santos.
Uyon ang amahan
Giingong uyon si Robin Padilla kung mangulitawo si Rayver Cruz sa iyang anak nga si Kylie apan gusto niini nga ipahimutang una sa duha ang ilang tagsa-tagsa ka mga career. “Ayusin muna nila yung mga career nila. Yung pag-ibig nandyan lang ‘yan. Yung message ko naman, mabait na bata naman si Rayver. Mabuti yung nanay nun, kaibigan ng lola ni Mariel, “ matud pa ni Robin.
Aleck balik-showbiz
Human sa taas nga panahon nga pagpahuway sa showbiz, mobalik na si Aleck Bovick sa pag-arte pinaagi sa serye sa ABS-CBN nga “Nasaan Ka Nang Kailangan Kita?”. Samtang nag-malampuson usab ang paglugwa ni Aleck sa programang Singing Bee niadtong Huwebes.
Katapusang uyab
Tsika pa ni Jakie Rice nga ang kasamtangan niya nga uyab maoy iyang gusto nga mabana. “Sana, gusto ko siya na yung huli ko. Ayoko naman nung papalit-palit. Hindi na nga kami kasal ‘tapos papalit-palit pa ako,” matud pa ni Jackie.
Wala’y celebrity
Wala’y giapil si Yeng Constantino nga celebrity sa iyang wedding entourage karong February 24 apan iyang giklaro nga anaa ang iyang mga showbiz friends sa mismong kasal na. “Parang ang pangit kapag mag-i-invite ka lang for the sake of inviting people,” suma pa niya.
Uyab ni Lauren
Aksidenteng nabutyag ni Lauren Young nga duna na siya’y non-showbiz nga uyab karon. Nagdumili ang aktres sa pagbutyag sa pangalan niini apan iyang gitsika nga classmate niya kini sa De La Salle University. (John Dante N. Obeso, USJR – MassComm Intern)
- Latest
