Sayang kung hindi mapuntahan ni Dennis Trillo ang Asian TV Awards sa Singapore. Eh, nominado siya bilang aktor para sa teleserye niyang My Husband’s Lover. Siya lamang ang nag-iisang miyembro ng cast na nabigyan ng nominasyon. Abala kasi siya hindi lamang sa mga ginagawa niyang pelikula kundi maging sa taping ng serye niyang Hiram na Alaala kung saan ay puwede muli siyang ma-nominate dahil sa galing niya sa pag-arte.
Sef tinalo pa si Vic
Tatlong batang artista pala ang kasama sa mga nominado bilang Comedy Actor sa katatapos na Star Awards for TV na napanalunan ni Sef Cadayona. Sila sina Harvey Bautista, Bugoy Cariño, at Clarence Delgado ng gag show na Goin’ Bulilit. Hindi pipitsugin ang mga nakalaban nilang sina Vic Sotto, Michael V, at John Lloyd Cruz.