Asawa ni Jolina, fan ni Marvin
Kung kinagat noon ang Annaliza at Flordeluna tiyak na tatangkilikin ng mga manonood ang bagong obrang pantelebisyon ng ABS-CBN na Flordeliza. Tatampukan ito ng nagbabalik-tambalang sina Jolina Magdangal at Marvin Agustin.
Ang serye ay kuwento ng dalawang pamilya na nakasentro sa dalawang nanay at dalawang bata na pagbubuklurin ng pagmamahal ng isang malungkot na katotohanan.
Ayon kay Jolens, kung noon ay puro pa-sweet lang sila ni Marvin ngayon ay mas may lalim na ang kanilang akting.
May love scene sina Jolens at Marvin. Hindi kaya magselos ang asawa ng aktres na si Mark Escueta?
‘‘Naku, mas excited pa nga ang aking asawa nang malamang magtatambal uli kami ni Marvin. Sa totoo lang po, fan na fan siya ng aming tambalan at paborito din niya si Marvin kaya wala pong selos factor,’’ sey nito.
Mga artista ng SL, napaluha sa mga problema ng mga kabataan ngayon
Memorable sa mga artista ng Strawberry Lane ang pagdalaw nila kamakailan sa Children’s Legal Right and Development Center.
Nagkaroon ng sharing at ‘di naiwasan ng mga teen stars na sina Bea Binene, Jake Vargas, Rita de Guzman, Kim Rodriguez, Kiko Estrada at Jhoana Marie Tan na maluha. Naging emosyonal ang mga ito dahil tumama sa kanilang puso ang nararanasan ng mga kabataan na nalihis ng landas. Naka-relate ang mga young stars dahil ganito rin ang pinagdaraanan nila sa ginagampanan karakter sa serye ng GMA 7.
- Latest
