Sarah parang mas bagay sa anak ni Piolo

Kundi ba naman magaling si Piolo Pascual, akalain mong ang puwede nang makapareha ng anak niyang si Iñigo na si Sarah Geronimo ay siyang kapareha niya sa isang Valentine movie. Kaya ba nag-aalburoto si John Lloyd Cruz? Let’s see kung may chemistry ang dalawa, at kung mauungusan ng movie nila ang movie ni Sarah with JLC at ni Piolo with Toni Gonzaga. Aber, tingnan nga natin!

Kris pinakamayaman na sa showbiz

Napakayaman na talaga siguro ni Kris Aquino dahil hindi tseke ang bayad nito sa franchise ng isang fast food na nakuha niya. Cold cash ang ipinambayad niya.  Biro mo, ilang milyon ang halaga ng pagkakabili niya, aba eh talagang iba na siya, ‘di ba?

Aiza galante sa mapapangasawa

Galante rin itong si Aiza Sequerra dahil nagpa-block screening ng pelikulang pinanalunan ng fiance niyang si Liza Diño bilang Best Actress sa 2014 International Film Festival Mahattan. Siyempre proud si Aiza sa na-accomplish ng love niya na panga­lawa na nito. Nanalo na rin ito rito ng best actress before. Ang pelikula ay pinamagatang In Nomine Matris.