PIK: Dumating pala si Rachelle Ann Go sa opening ng H&M sa SM Megamall kamakalawa lang, at iyun lang ang sadya niya sa pagbalik ng bansa.
Sa galing ni Rachelle Ann sa performance niya sa Ms. Saigon, siya ang napansin at hindi ang gumanap na si Kim.
Talagang pinalipad siya rito ng H&M para kumanta ng isang kanta lang dahil iyun lang daw ang in-allow ng taga-Ms. Saigon.
Tamang-tama, naka-on leave naman ang magaling na singer kaya dumalo siya at kahapon din ay bumalik na siya ng London para ipagpatuloy ang performance niya sa Ms. Saigon.
Totoo kayang may masugid daw siyang manliligaw doon?
PAK: Isang bagong Hyundai Grand Starex Platinum ang birthday gift na binigay ng magkasintahang Dingdong Dantes at Marian Rivera kay Perry Lansigan na nag-celebrate ng kanyang 41st na kaarawan kamakalawa ng gabi.
Si Perry ang talagang nagpakahirap sa career ni Dingdong hanggang sa naabot nito ang kung ano mang naabot ng aktor ngayon.
Ang sabi nila, si Perry daw ang pangalawang nagmamay-ari ng ganung model ng kotse at nakikita ito sa showroom ng Hyundai Philippines sa Parañaque na pag-aari ni Dingdong.
Bukod sa ganun kabonggang regalo, nakatanggap din si Perry ng bagong IPhone 6 na pinagtulungang bilhin ng sampu pa niyang alaga.
Pawang pasasalamat ang mensahe ni Perry sa kanyang mga alaga, lalo na kay Dingdong na patuloy na nagmamahal sa kanya.
BOOM: Ewan ko kung nakakagulat ang announcement nina Alwyn Uytingco at Jennica Garcia na mag-asawa na pala sila.
Nung February ng taong ito sila nagpakasal, at kamakalawa lang in-announce ni Alwyn ang tungkol sa kanilang pagpapakasal.
Ang sinasabi ng iba, may gagawin pala silang dalawa ng isang episode ng Wattpad Presents sa TV 5 kaya ang tanong ng karamihan, kung makakatulong ba itong kanilang announcement para sa kanilang programa.