Good Vibes Sunday mga SweetKabutanding! Una sa tanan, Dakong " Thank you " kaayo kaninyong tanan nga nakigsaulog sa among ikapito ka tuig sa BuenaManoBalita. Ang usa ka semana nga pagsaulog mas nahimong mabulukon tungod kay inyo gyud kami gikuyugan. Gikan sa among Buena Mama sa Barangay Ermita, sa pag-apud apud sa mga sapatos kauban ang Toms sa tabang ni Chef Marc sa Barrio Luz gihatagan nato og mga sapatos ang mga bata nga naapektuhan sa sunog, ang atong Serbisyong Tinud-anay didto sa Barangay Bag-ong Pasil kung diin nakauban nato ang CENTCOM Band nga maoy nihatag og fiesta mode sa barangay nga on the side nihataw ang mga lola, ang mga Senior Citizens ug ang mga batan-on nga nag-Egyptian costume, naa usab ang NAVFORCEN nga nihatag sa ilang libreng tupi nga dili lang ang mga inday ug dodong ang nilinya para makapatupi, naa pud si nanay, tatay, lolo ug lola nga with all the smiles gyud! Naa usab ang mga Balitang Bisdak reporters ( Happy 15th Year Anniversary Balitang Bisdak ) nga silang Chona Carreon, Bexmae Jumao-as, Nikko Serreno ug ang mansanas of the eye sa among editor nga si Gregy Magdadaro nga nitabang sa paghatag og mga sapatos courtesy gihapon sa Toms. Ug ang nakaHugyaw sa tanan ang Pasiaw, Pakatawa, Pabu-ak nga Bet ng Barang-Gay, diin nagtigi ang tulo ka mga bayot sa usa ka challenge. Usa kini ka dakong selebrasyon para kanatong tanan kay kung unsa man ang among kadaugan, kadaugan usab ninyo mga Kapuso! Siyempre wala pa diha nahuman ang among selebrasyon, didto sa Barangay Looc, Mandaue, didto ko nanukad ug nanghatag og mga grocery items sa tulo ka panimalay nga masakpan nga nagtan-aw og Buena Mano Balita ug uban pang mga sorpresa para sa Swerte sa Siete. And speaking of Swerte sa Siete ayaw kamo og kalimot sa among promo sa among programa nga gitawag namo og Minute Shopper Promo. Dali ra kaayo ang pag-apil, motan-aw lang ka sa BuenaMano Balita ug Balitang Bisdak, Lunes hangtud Huwebes dunay numero nga e-flash sa inyong mga screen, imo lang kini kumpletuhon unya sa Huwebes igka human sa Balitang Bisdak pwede na nimong e-text ang pito ka numero sa hotline numbers : BuenaManoBalita - 0921-9573671 ug sa Balitang Bisdak - 0906-5208532 kay sa Biyernes amo na kining bulahon aron pag-ila sa lucky winner. Sa Balitang Bisdak ila kining ipakita sa screen mao nga abtik gyud mo! Kay kung ikaw ang suwerte nga mabunutan, aduna kay tsansa nga mag-grocery in one minute, hakot all you can! Para sa dugang pang detalye sa maong promo Tutok lang sa Buenamano Balita ug Balitang Bisdak! Happy Anniversary!!!!!!!
Atangi sunod Domingo ang dugang na usab nga lima sa akong #20 Facts mga kapuso.
Para sa inyong suggestions and comments follow me or like my FB page or twitter and instagram: yoriestorm
Lunes hangtud Biyernes ang Buenamano Balita, 6:15am sa GMA7!