CEBU, Philippines – Andam matud pa si direk Gina Alajar nga mamahimong direktor ni Carla Abellana sa usa ka proyekto. Apan kun kiwawan man gani si Carla, mas maayo nga dili na lamang. Si Gina inahan sa ex-boyfriend ni Carla nga si Geoff Eigenman. Si Alajar maoy direktor sa bag-ong afternoon prime series sa GMA7 "Yagit."
Hilak sa kalipay
Napanlantawan ni Jennylyn Mercado nga murag makahilak siya atol sa kasal ni Patrick Garcia---makahilak sa kalipay. Excited si Jen sa umaabot nga kasal ni Patrick ngadto kang Nikka Martinez. Ring bearer ang anak nila ni Patrick nga si Alex Jazz ug happy matud pa siya nga mahinayon na gyud ang kasal sa aktor. Kanhi nagkarelasyon sila si Patrick ug Jennylyn.
Kinahanglan og bag-ong artista
Excited na matud pa si Yasmien Kurdi sa pagbalik sa artista-search nga Starstruck sa GMA7 sa dili madugay. Suma pa ni Yasmien nga panahon na aron aduna na puy mga bag-ong artista sanglit gamay na lamang matud pa sila nga anaa karon sa nataran sa GMA7. Si Yasmien first princess sa unang edition sa Starstruck 11 years na ang nilabay. Si Jennylyn Mercado ang grand winner.
Pakpak for James and Michaela!
Daghang nahimuot niining maong hulagway. Suma pa sa mga netizen, nindot tan-awon nga giisip sab sa basketbolista nga si James Yap nga iyang anak si Josh. Nahugyaw usab sila sa maayong pagtagad ni Michaela Cazzola, uyab ni James, ngadto sa mga anak ni Kris Aquino nga sila si Bimby ug James.
Paolo mulugwa sa TMZ
Human nilugwa ang make-up transformation ni Paolo Ballesteros sa website sa Cosmopolitan magazine sa Amerika, usa ka researcher sa TMZ ang nikontak sa nahisgutan para sa posibilidad nga makalugwa sa maong TV show pinaagi sa skype si Paolo. Ang TMZ sikat nga entertainment show sa Amerika ug giila nga walay lipod-lipod kun manaway sa mga Hollywood celebrity.
Ex ni Direk
Hingpit na nga giangkon ni DJ Durano nga nagkarelasyon sila ni Direk Wenn Deramas ug dihang nagkabuwag sila, nawagtang siya og kalit sa mga salida niini. Karon maayo na matud pa ang ilang relasyon sa direktor ug mapasalamaton siya nga gitabangan gihapon siya niini. Giangkon usab niya nga aduna na siyay girlfriend karon.