CEBU, Philippines - Gipasigarbo pag-ayo ni Enchong Dee ang iyang self-titled debut album ubos Star Records gumikan kay nagpakita lang kini nga gawas sa pag-arte, aduna pud siya'y talento sa pagkanta. Kasamtangan niya nga gi-promote ang iyang hit single nga 'Chinito Problems' .
Jan negosyante na
Busy na karon sa kaugalingon niya nga negosyo ang aktres nga si Jan Marini. Nailhan niadto si Jan sa programang Ang TV ug nilugwa na sa pipila ka mga serye sa ABS-CBN. Namaligya si Jan karon og organic products.
Nagpa-relax sa Singapore
Nagpahayahay dili pa lang dugay didto sa Singapore ang mag-uyab nga sila si Lovi Poe ug Rocco Nacino. Usa ang Universal Studio sa ilang gisuroyan.
Gipangbalibaran ni Julia
Ubay-ubay ka mga lalaki ang nanguyab karong panahona kang Julia Montes apan puros kini gibasted sa aktres. Dili gusto si Julia nga maapektohan ang iyang mga proyekto."Ang work ko ang lovelife ko," hirit pa sa aktres.
Ahron mipalag sa blind item
Nipabuhagay sa iyang kalagot si Ahron Villena pinaagi sa pag-post og mensahe sa iyang Instagram account ug puwerti niya nga yawyaw sa usa ka manunulat nga matud pa nanghilabot sa iyang personal nga kinabuhi.
Giingong adunay blind item nga nigawas nga dunay aktor nga hayahay kaayo og kinabuhi gumikan kay kanunay kini molarga og laing nasud ug nakapalit pa gyud kini og mahalon nga gadget partikular na ang iPhone 6. Giingong nakapangutana ang maong writer kung diin kaha gikan ang kuwarta nga gigamiit sa aktor .
Nasuko si Ahron sa maong writer ug nipadayag nga duna siya'y kapasidad sa paglarga og laing nasud ingon man usab ang pagpalit og mahalon nga gadget.
Gihagit ni Ahron ang maong writer kung kinsa ang source niini nga giingong mihatag og malisya sa istado sa iyang kinabuhi.
"Sana bago ka nagsulat o gumawa ng blind item, galing galingan mo naman!. Isama mo na ang source mo!," suma pa ni Ahron. (BANAT NEWS)