MANILA, Philippines - Mula sa mga Hollywood A-listers tulad nina Angelina Jolie, Mariah Carey at Britney Spears hanggang sa mga local celebrities gaya nina Marian Rivera at Megan Young, lahat nagiging kamukha ni Paolo Ballesteros dahil sa husay niya sa pagme-make up. Pero kamakailan lang, na-mild stroke ang nasabing Eat Bulaga host. Ngayong linggo, samahan ang KMJS na kumustahin si Dabarkads Paolo B.
Samantala, tampok rin sa KMJS ang pumanaw na komedyanteng si Tia Pusit. Balikan ang makulay na karera ni Tia Pusit at alamin kung paano niya pinatawa ang sambayanan sa istilo ng kanyang komedya at sino nga ba si Tia Pusit bilang ina.
Bukod dito, ilan pang kuwento ang hatid ng KMJS tulad ng mga paborito at kakaibang pulutan ng mga Pilipino; ang dental make-over ng ilang mga beki sa Cavite; ang pag-atake ng mga higad sa isang bahay sa Davao City; at ang kwento ng mga gamit na tila ba nasapian.
Tunghayan ang mga kuwentong ito kasama ang multi-awarded broadcast journalist na si Jessica Soho ngayong Linggo sa KMJS pagkatapos ng Ismol Family sa GMA 7.