KathNiel at JaDine magso-showdown!

MANILA, Philippines - Sisimulan ng ASAP 19 ang buwan ng Oktubre na may hatid na world-class performances ngayong linggo (Oktubre 5) sa paglulunsad ng 9th launch of ASAP Pop Viewer Awards kasama ang 5 Major Categories na Pop Music, Pop Movies, Pop Kapamilya TV, Pop Astig at Social Media Star, kasama ang 27 sub-categories na pangungunahan ng Kapamilya stars na sina Kathryn Bernardo, Daniel Padilla, Liza Soberano, Enrique Gil, at Kim Chiu kasama sina Jairus Aquino, Sharlene San Pedro, Joshua Garcia, Loisa Andalio, Iñigo Pascual, Sofia Andres, Nash Aguas, Alexa Ilacad, Marlo Mortel, Janella Salvador, at Gimme 5.

Back-to-back romantic treats din ang matutunghayan mula sa blockbuster loveteams na sina Kathryn at Daniel kasama ang Wansapanataym love team na sina Nadine Lustre at James Reid. Tiyak na kaabang-abang din ang exciting birthday celebration ng Ultimate Dancefloor Princess Maja Salvador.

Makisaya ngayong linggo sa Sana Bukas Pa ang Kahapon Farewell kasama sina Bea Alonzo at Paulo Avelino na susundan naman ng most-awaited launching ng pinakaabangang teleserye na Forevermore kasama sina Enrique at Liza.

Huwag palampasin ang de-kalibreng musical experience kasama si KZ Tandingan sa kanyang Himig Handog P-Pop Love Song winning song Mahal ko o Mahal Ako, at abangan ang grand album launch ni Enchong Dee.

Samantala, tunghayan ang most requested collaboration at world-class performance nina Sarah Geronimo, Zsazsa Padilla, Erik Santos and Gary Valenciano; na susundan nina Piolo Pascual, Jericho Rosales, Angeline Quinto, Yeng Constantino at Charice sa kanilang performance ng timeless Alison Krauss musical hits.

Makisaya at makikanta sa grand album launch ni Richard Poon kasama ang ASAP Sessionistas, at ma inlove naman sa musical performance ng heartthrobs na sina Piolo Pascual, Sam Milby at Jericho Rosales.

Huwag din palampasin ang non-stop hatawan sa ASAP Supahdance nina Kim Chiu, Gerald Anderson, Iza Calzado, Rayver Cruz, John Prats, Jessy Mendiola, at KC sa kanilang nakakaindak na international dances. Maki sing-along sa isa na namang ASAP Karaokey kasama sina Luis Manzano, Alex Gonzaga, at Marcelito Pomoy.