Seen : Bumaha ang pakikiramay sa pamilya ni Tia Pusit, ang komedyanang namatay noong Huwebes ng gabi. Nakiramay rin ang mga tao na binale-wala ang paghingi ng tulong ng pamilya ni Tia Pusit noong nakikipaglaban ito sa kanyang mga sakit.
Scene : Ngayon ang umpisa ng burol at viewing sa labi ni Tia Pusit sa St. Peter Memorial Chapel , Quezon Avenue, Quezon City.
Seen : Kapangalan ng aktor na si Michael Flores ang 29-year old suspect sa pagpatay kay Mrs. Zenaida Sison, ang ina ni Cherry Pie Picache. Ikinalat na ng Quezon City Police District ang litrato ni Flores na killer talaga ang itsura at mukhang hindi magpapahuli ng buhay.
Scene : Fifty thousand pesos ang reward na ibibigay ng QCPD sa makapagtuturo sa kinaroroonan o lugar na pinagtataguan ni Michael Flores.
Seen : Ayaw pumayag ng fans ni Pops Fernandez na tawagin si Toni Gonzaga bilang bagong Concert Queen. Hindi pa napapantayan o nahihigitan ni Toni ang achievements ni Pops, ang Original Concert Queen.
Scene : Hindi buong araw na ipinalalabas sa ilang mga sinehan ang Hari Ng Tondo kaya dapat na mag-check muna ng screening schedule ang mga nagbabalak na panoorin ang pelikula na nagbigay kay Robert Arevalo ng best actor trophy sa 2014 Cinemalaya Philippine Independent Film Festival.
Scene : Ang balita na magwawakas na rin ngayong October at hindi sa November ang Ikaw Lamang ng ABS-CBN.