Dear Banat Hugyaw,
Maayong adlaw diay sa tanang readers sa Banat News Hugyaw! Ako diay si Jana, 24 years old ug member ko sa usa ka banda dinhi sa Cebu City.
Sa tinuod lang, taud taud nako nga wala'y uyab karon, tungod sa akong pagkapilian, hangtud wala na hinuon ko'y nauyab. Pero dili man big deal nako nga wala ko'y uyab run, kay para nako , dili mana angayan pangitaon, maabot ra man gud na sa saktong panahon.
Ako lang i-share ang kaagi nako sa katapusang boy nga akong ganahan, pero wala mi nagkadayon lagi kay dugay nako siya nga gipahuwat hangtud nga napul-an na siya nako.
Naa ko'y friend nga boy nga ginganlan og Mar, sa among kasuod, nakabantay ko sa espesyal niya nga pagtagad nako. Grabe kaayo, kay kung manglaag mi sa akong barkada, magpatext gyud siya if mana ko'g laag kay kuhaon rako niya, ihatud ko niya permi inig pauli sa amo.
Nakabantay man akong friends sa among linihukan, pero para nako, dili nako hatagan og grabeng atensyon nga iyang gipakita nako kay dili pa ko andam atu nga makauyab. Seguro na enjoy lang gyud ko kung mag-uban mi sa pagpanuroy pero dili pajud nako feel nga mag uyab-uyab.
Wala siya kaagwanta, nidiskarte na siya nako, apan ako siya nga giprangkahan nga mag-friends lang mi kay dili pako ganahan nga makauyab.
Ni-respect siya sa akong desisyon ug nisugot siya nga mag-friends lang sa mi, kay wala man siya mabuhat kay mao man ang akong gusto.
Sige lang gihapon mi og uban og suroy, kay malipay raman sad siya basta ako ang iyang kauban, bahalag wala nako siya sugta.
Samtang nagdagan ang panahon, dunay bag-ong nahigala si Mar, ug usa kini ka -girl. Nagkasuod sila sa maong girl, maong gamay na lang og time si Mar nako. Pero wala man sad ko'y katungod nga mo-demand og time kang Mar kay dili baya mi uyab.
Magsige sila og kuyog sa girl, ug kabantay nga sila napud ang magsige og teksanay. Laktod pagkasulti, natabonan nako sa maong girl. Nadunggan nalang nako sa uban nako nga mga higala nga na-develop na daw si Mar sa maong girl.
Nakabantay ko, nagselos naman hinuon ko, dili ko kadawat nga napunta na si Mar sa laing nga girl. Moangkon ko, nakahilak jud ko samot na nga nakadungog sa istorya nga nagkauyab na sila si Mar ug ang maong girl.
Dili nami suod ni Mar karon, siyempre busy naman siya sa iyang uyab, dinhi nako na-realize nga ganahan nako ni Mar. Nagmahay ko kung nganong wala nako siya sugta sauna. Mutuo jud ko sa panultihon nga usahay magpangita naka sa tawo kung wala na kini sa imong kiliran. Sakit man siya, pero angayan nako nga dawaton. Mo-request lang ko sa lyrics nga Muntik Na Kitang Minahal by Carol Banawa.
Hi Jana! Paabuta ugma puhon ang lyrics nga imong gipangayo. Our dear HUGYAWnatics, aduna ba kamoy LOVE STORY nga kapanaminan sa uban? Paambiti kana pinaagi sa pagsuwat niini ug ipadala pinaagi sa facebook: Banathugyaw@yahoo.com o sa email: banatentertainment@hotmail.com