CEBU, Philippines - Malantawan na ugma sa alas 11:15 sa buntag ang gihisgutan og maayo sa publiko nga Korean blockbuster movie nga Miracle in Cell No. 7 pinaagi sa GMA 7. Nasayran nga gipistahan pag-ayo ang maong pelikula niadto gumikan sa makahilak nga istorya niini.
Gi-dub ngadto sa tinagalog ang maong pelikula pinaagi sa mga tingog nila ni Gabby Eigenmann ug Mona Louise Rey .
Si Gabby mao ang luyo sa tingog sa lead character nga si Lee Yong-gu (Ryu Seung-ryong) kinsa maoy nagpahilak sa publiko gumikan sa iyang role isip amahan nga napriso gumikan sa sayop nga akusasyon.
Samtang mopahilak usab sa viewers ang tingog ni Mona Louise Rey isip anak ni Yong-gu nga si Ye-sung. (Kal So-won).