CEBU, Philippines - Ang Urinary tract infections (UTIs) mahiaguman sa babaye ug lalaki. Mutumaw kini sa higayon nga ang "bladder" ug "exit tubes" matakbuyan og kagaw. Pipila sa mga hinungdan niini mao ang pakighilawas, pugngan o dugay mangihi, pagmabdos, menopause, ug diabetes.
Ang sintomas niini mao ang kanunay kaihion apan gamay ra ang mugawas nga ihi, pagkausab sa color sa ihi, pagsakit sa tiyan, hilanat, pagkalipong ug pagsuka. Gikinahanglan ang dinaliang aksyon batok niini aron dili maapektuhan ang kidney.
Ania ang pipila sa pang-alkontra niini:
1.Baking Soda
Ang baking soda mupataas sa acid-base balance sa acidic nga ihi ug makatabang aron mahupay ang kasakit. Pagbutang og usa ka kutsarita nga baking soda sa usa ka baso nga tubig, ug pag-inom ka duha sa usa ka adlaw.
2.Pineapple
Ang pinya adunay enzyme nga gitawag og Bromelain, nga makatabang kun ikaw adunay UTI. Dungan sa pagkaon og pinya, angayan usab nimong imnon ang antibiotic nga giriseta sa imong doktor.
Makaayo sa imong lawas ang pagkaon og pinya kada adlaw.
3.Hot Water Compresses
Makatabang kini aron maminosan ang bladder pressure ug makahatag og alibyo sa imong nabatyagan nga kasakit.
• Pagbutang og init nga tubig sa usa ka limpyo nga botelya. Itapion kini sa ubos nga bahin sa imong tiyan. Bana-banaa ang kainiton aron dili mapaso imong tiyan.
5. Water
Inom og daghang tubig-walo ngadto sa 10 ka baso kada adlaw. Diha sa pag-inom og tubig magpunay ka og pangihi ug dali mabanlas ang kagaw nga nakaingon sa imong UTI.
Kunsulta daan sa imong doktor aron mas sigurado.
Gikan sa http://www.healthdigezt.com