Concert Queen-turned producer and businesswoman Pops Fernandez is now behind her mom’s (Dulce S. Lukban) DSL Events & Production House, Inc. na organizer and producer ng maraming corporate events at concerts.
Although aktibo pa rin si Pops sa kanyang solo career bilang singer and concert performer, she allots more of her time behind the scene, ang pagpapatakbo ng sarili niyang negosyo (online business) at pagiging events and concert producer na matagal-tagal na rin niyang ginagawa.
Mula nang maging inactive ang mommy ni Pops na si Dulce, sa pagpu-produce ng concerts (ni Pops), si Pops na ang sumalo sa kanilang production company which was put-up by her mom in early 80’s para lamang sa kanyang anak na siyang tinaguriang Concert Queen.
Through the years, maraming natutunan si Pops sa production side na kanyang ina-apply ngayon. Bukas din si Pops sa co-production ventures tulad na lamang nitong 15th anniversary concert ng Ultimate Multi-Media Star na si Toni Gonzaga, ang Celestine: Toni Gonzaga na gaganapin sa MOA Arena on October 3. Co-producer ni Pops and ABS-CBN, Star Records, at Star Events.
Ang Celestine: Toni Gonzaga ay nakatakdang idirek ng panganay na anak ng mag-asawang Gary Valenciano at Angeli Pangilinan-Valenciano na si Paolo Valenciano with Homer Flores as musical director.
Magiging special guests ni Toni ang unang nakasama sa kanyang sikat na TV commercial 15 years ago na si Piolo Pascual na siya ring naging leading man sa kanyang mega-hit movie na Starting Over Again early this year, kasama sina Vice Ganda at nakababatang kapatid ni Toni na si Alex Gonzaga.
Rocco nagbunga ang pagtalikod sa pagiging nurse
Dalawang beses naming nakaharap ang nobyo ni Lovi Poe na si Rocco Nacino last Thursday, una, lunch time sa presson ng kanyang soon-to-be released movie na Ibong Adarna: The Pinoy Adventure na idinirek ni Jun “Mr. Shooli” Urbano. Sumunod naman sa bago niyang teleserye sa kanyang home studio (GMA), ang Hiram na Alaala na pinagsasamahan nila nina Dennis Trillo, Kris Bernal, at Megan Young. Magsisimula itong mapanood on September 22 kapalit ng Ang Dalawang Mrs. Real kung saan tampok ang kanyang nobyang si Lovi Poe kasama sina Maricel Soriano at Dingdong Dantes.
Walang alinlangan na si Rocco ang isa sa pinakabising aktor sa bakuran ng Kapuso Network na hindi lamang makulay ang takbo ng karera kundi maging sa kanyang love life dahil kay Lovi.
Unknown to many, si Rocco ay isang registered nurse na kanyang isinantabi (muna) para bigyan-daan ang kanyang showbiz career na nagsimula nang siya’y mag-audition para sa talent reality show na Starstruck a few years ago.