Bunga sa paningkamot

CEBU, Philippines – Mapaubsanon, hilomon apan aduna diay tinagoang talento nga makapaukyab sa mga tawo.

Ang 22- anyos nga si Jose Gomora Jr. o nailhan sa pangalan nga R-Jay nibutyag dinhi sa Banat News Hugyaw nga ang talento niya sa pagkanta maoy usa sa rason nga nawala ang iyang kamaulawon sanglit kaantigo naman siya moatubang sa daghang tawo.

Nisulbong ang pangalan ni R-Jay karong tuiga human siya ang napiling best interpreter sa 8th Huniño: Huni Halad Alang Kang Señor Santo Niño gumikan sa hugyaw niya pagkanta sa "Kay Ikaw Misaad" nga mao usab ang grand winner sa maong kompetisyon.

Miyembro si R-Jay sa nabaniog na nga House of Ella nga maoy tig-provide og mga performers sa bisan unsa nga okasyon.

Usa ka event singer si R-Jay busa nahimo siyang suki sa pagkanta sa birthday, corporate event, kasal ug haya sa patay, hinungdan nga nabaid na pag-ayo ang iyang tingog.

Adunay ubang mga kliyente nga mo-request og partikular nga kanta ug mao kini ang hinungdan nga ubay-ubay gyud nga kanta ang iyang makat-unan.

Bisan sa hugyaw niya nga talento sa pagkanta, iyaha gyud nga ipatigbabaw ang disiplina sa iyang kaugalingon ug kanunay gyud siya nga andam sa tanang higayon.

"Sa House of Ella man gud, dili malikayan nga dunay kalit-kalit nga kliyente nga mo-request og singers sa ilang event, so naanad mi nga andam gyud mi permi. Among mga minus one, naka-save na daan sa USB o CD," suma pa ni R-Jay.

Sakop si R-Jay sa Southwestern University Choir busa ubay-ubay na usab nga technique sa pagkanta ang iyang nahibaw-an.

QandA

BNH: Unsay mga nakat-unan nimo sa pagsalmot sa Huniño?

R-Jay: Nakat-on ko unsaon paghatag sa imong 100% nga performance sa stage. Pinakadako man gud ang Huniño sa tanang contest nga akong naapilan.

BNH:Unsay dili nimo malimtan nga kasinatian niadtong imong pag-apil sa 8th Huniño?

R-Jay: Actually, duha jud ka butang ang dili nako malimtan. Ang una, katung nagkaduol na ang finals night. Na-pressure ko kay kinahanglan matarong jud nako pag-interpret ang song hinimo nila ni sir Neil Salarda ug John Peterson Villarin. Sige mi'g research ni John Peterson unsa'y mga pamaagi sa mga previous winners ug finalists sa Huniño. Mga gestures ug uban pa kay gospel music man gud siya. Asta sa styling pud kung unsa ang dating nako dapat sa stage. During ato nga time, nakat-on man gud ko nga mas maayo jud diay nga imong pangandaman ang usa ka "butang" kaysa mag-relax ra ka kay mas ma-feel jud nimo ang fruits sa imong kahago. Ug ang ikaduha, during sa finals night, kay diri naman namo ma-apply tanan namong gipanghaguan. Niana gani sila nga mag-focus rajud daw sa melody ug sa lyrics ang judging, pero ako lang jud gipanunguha nga matarong nako kay bisag unsa pa kanindot sa kanta, mu-matter man sad gyud ang interpreter.

BNH: Unsa gyud ang mga tirada nimo nga kantahon?

R-Jay: Kasagaran ballad jud ko. Pero karon, mukanta naman kog mga RnB ug Pop kay mao man ang request sa House of Ella.

BNH: Kasuway ba ka nga napilde ka sa gisalmotan nimo nga mga contest, unsa imong bation?

R-Jay:  OO uy! Kadaghan na! Siyempre anugnan jud ko labi na nga ako jud gihatag akong best sa pag-perform. Pero, maka-move on raman sad ko dayon kay dili baya tanang panahon , modaug ka permi.

BNH: Unsa imong sekreto sa kanindot sa imong tingog?

R-Jay: Ahaha. Wala raman. Sige rako’g praktis.

BNH: Kinsa ang gipangandoy nimo nga makauban sa pagkanta sa stage ug ngano man?

R-Jay: Mag-duet mi ni Sarah Geronimo. Dugay naman gud nako siya nga crush gud. Hehe

Pahugyaw questions

BNH: Naa na ka'y uyab ron?

R-Jay: OO. Naa! , singer pud siya, Actually, interpreter pud siya sa usa ka entry sa 8th Huniño, hehehe.

BNH:  Target nimo nga edad nga magminyo ka.

R-Jay: Wala pa ko kabaw. Graduating paman gud mi pareho nya kinahanglan pa namo ipahimutang among tagsa-tagsa ka pamilya.

BNH:  Dili nimo makalimtan nga experience nga gikataw-an ka og maayo sa mga tawo.

R-Jay:  Nakasuway jud ko ana. Katong nipiyok ko sa stage tungod sa kakulba. Mao tong nagpraktis ko’g maayo aron ma-overcome nako.

Name:  Jose Gomora Jr.

Nickname: R-Jay

Age: 22

Date of Birth: May 13, 1992

Nationality: Filipino

Favorite singers: Erik Santos, Michael Bolton

Favorite movie: NARUTO (THE MOVIE)

Celebrity Crush: Sarah Geronimo

School: Southwestern University

Course: Bachelor of Science in Business Administration (4th year)

Motto: Patience is a Virtue!