CEBU, Philippines – Sila si King Anthony Perez sa TV5 ug Emjan Tirador sa Bombo Radyo maoy napili kagahapon nga Mr. and Ms. KBP 2014 nga gipahigayon sa University of the Visayas gymnasium.
Ang maong kalihukan tipik sa pagbukas Broadcasters' Month nga gipasiugdahan sa Kapisanan nga mga Brodkaster ng Pilipinas -Cebu Chapter.
Gitataw nila ni King ug Emjan nga dili sila anad nga morampa atubangan sa daghang tawo ingon man usab ang pag-project sa ilang lawas sa entablado busa usa kini sa ilang praktisan og maayo.
Ang duha maoy mahimong representante sa KBP sa umaabot nga Mr. and Ms. Press Freedom 2014 karong September 20. Makatigi sa duha ang mga pambato gikan sa mga pamantalaan dinhi sa Sugbo. 35th Cebu Pop
Unom ang bag-ong composers
Napili na ang 12 ka mga awit nga maoy magtigi alang sa 35th Cebu Popular Music Festival karong January 16, 2015.
Tulo ka kategorya ang maglangkub sa tinuig nga bangga nga halad ni kanhi kongresista Eddie Gullas ngadto sa Balaang Bata, ug agi og suporta usab niya sa makanunayong paglambo sa Sugbuanong musika. Kini mao ang Ballad, Rock ug Rnb.
Sa ballad category duha ka mga bag-ong ngalan ang nalakip sa top 4.Sila mao si Jennifer Povadora, 25-anyos nga taga Mandaue City ug si Glicerio P. Germodo nga taga Pulumolok, South Cotabato.
Ang top 4 sa ballad category mao ang musunod:
1. Kay Ikaw Ang Natingban
Composer/Lyricist: Jennifer S. Povadora
2. Magpabilin
Composer/Lyricist:Fernando Rabutan
3.Maayo Pa Nga Hikalimtan
Composer/Lyricist:Peter Flordeliz
4. Salamat Na Lang
Composer: Glicerio P. Germudo Jr.
Lyricist:Andrew Banate
Sa RnB Category nasulod sa top 4 kining musunod:
1.Ako Ba Kini?
Composer/Lyricist: Albin Lotario
2.Ikaw Ang Tanan
Composer/Lyricist: Neil John Lubiano
3:Nalumos Sa Sabaw
Composer/Lyricist:Fr. Lyndon B.Ruiz
4.Sayang Ang Luha
Composer/Lyricist:Arnel Satomera
Puros bag-o nga composers ang magtigi sa maong kategorya, tulo ang mga bag-ong ngalan nga nakasulod.
Magtigi sa Rock Category ang mga musunod:
1. Sugta
Composer/Lyricist: Medelito M. Baculpo
2.Bisaya Baya Ni,Bay
Composer/Lyricist:Jude Gitamondoc
3.Padayon Sugbuanon
Composer/Lyricist: Manolito D. Languido
4. Super Juan
Composer/Lyricist:Dennis Martin
Ang mga nipili sa mga entries naglangkob kanila ni Sam Costanilla, TV host/ columnist/performer; Baby Condeno,award-winning singer; Maria Donna,labing unang Pinay nga nidaog sa Shanghai Music Festival;Apple Abarquez,Pinoy Dream Academy scholar, Nino Banares,award-winning composer;Ronil Watin,grand-champion sa folk/country category karong tuiga;Jade Castro, grand champion sa ballad category karong tuiga; Vida Reya,Sinulog Idol finalist/DJ;Chline Diagon,lounge singer; ug Ryan Mark, Banat News Hugyaw editor.
Ang Screening gipahigayon kagahapon diha sa University of the Visayas Alumni Office,gikan sa alas nuwebe sa buntag hangtud alas sais sa gabii.
Nikabat ngadto sa 105 entries ang gipilian--55 para sa ballad,28 sa RnB, ug 22 sa rock.