MANILA, Philippines – Matagal nang naka-move on ang Brazilian-Japanese model-actor na si Daniel Matsunaga sa paghihiwalay nila ni Heart Evangelista kaya naman happy siya sa engagement ng kanyang ex-girlfriend.
Kasabay nang kanyang pagkapanalo sa “Pinoy Big Brother All In” ay nag-propose naman si Senador Chiz Escudero kay Heart nitong kamakalawa.
“Okay lang. Masaya ako para sa kanila,” pahayag ni Daniel sa kanyang panayam sa “Aquino and Abunda Tonight” kagabi.
Kaugnay na balita: Daniel Matsunaga big winner sa PBB All In
Nang tanungin kung nakapag-move on na siya: “Move on talaga. Matagal na.”
Naging sina Daniel at Heart noong 2010 ngunit naghiwalay din noong simula ng 2012.
Inamin naman ni Heart na boyfriend na niya ang senador Oktubre 2012.