Thea Tolentino emosyonal sa kanyang 18th birthday

MANILA, Philippines - Ganap nang dalaga ang GMA Artist Center star na si Thea Tolentino. Nagdiwang siya ng ika-18 ka­arawan noong Sabado, August 16, sa Villa Morales Resort sa Calamba, Laguna. 

Elegante at sophisticated ang dating ni Thea sa gown na disenyo ng top designer na si Francis Li­biran. Moderno ang style ng floor-length at see-through na gown. Tadtad din ng crystals ang cut-out black dress kaya lutang na lutang ang ganda ng isa sa mga bida ng The Half Sisters.

Dinaluhan ang butterfly-themed debut ni Thea ng kanyang mga kamag-anak, malalapit na kaibigan, katrabaho sa Kapuso Network, at ilang pro­minenteng showbiz figures. 

Umpisa pa lang ng programa, maluha-luha na ang dalaga. Na-overwhelm si Thea sa touching birth­­day greetings sa kanya sa 18 Wings o ‘yung ka­­­dala­sang tinatawag na 18 Treasures. Bahagi rin nito ang pagbibigay ng symbolic gifts sa debutante. Kabilang sa participants sina Gladys Reyes na na­ka­trabaho ni Thea sa Pyra at si Maritess “Tessbomb” Maranon. 

Pati mga kaibigan ng Protégé Female Battle Champ, naging emosyonal din. Sa 18 Candles, bumati at nag-wish ang ilang kasamahan niya sa talent search na sina Elle Ramirez at Zandra Summer.  Masaya raw sila sa tagumpay na tinatamasa nga­yon ng dalaga. Pinuri rin nila si Thea dahil sa pagiging masipag at dedicated sa kanyang trabaho. Pati ang tumayong mentor ni Thea sa Protégé na si Direk Gina Alajar ay nagpaabot rin ng pagbati. 

Sa 18 Roses, kabilang naman sa mga nakipagsayaw kay Thea ang mga kasamahan niya sa Teen Gen na sina Juancho Trivino, Abel Estanislao, at Mikoy Morales. Naroon din ang Protégé Male Battle Champ na si Jeric Gonzales at ang co-stars ni Thea sa The Half Sisters na sina Jomari Yllana at Derrick Mo­nas­terio.

Hinarana pa si Thea ng ilan ni­yang Kapuso friends na sina Derrick at Abel. Pero ang pinaka-highlight ay ang pag-awit ni Mikoy ng sarili ni­yang compo­sition para sa debutante. 

Sobra-sobra naman ang saya at pasasalamat ni Thea dahil sa idinaos niyang debut. 

“Hinding-hindi ko ito makakalimutan. Sobrang thankful ako hindi lang dahil sa moment na ito,kundi sa blessingsna natatanggap ko,” sabi niya. 

Mapapanood si Thea Tolentino sa The Half Sisters, Lunes hanggang Biyer­nes, pagkatapos ng Eat Bulaga sa Afternoon Prime block ng GMA 7.