Tubig nga dunay flavor

CEBU, Philippines - Sa kainit sa panahon, kita nangita og mga ilimnong makapahaw-as kanato sa kainit ug  kaalimuot. Bisan pa man niini, dili gyud ta magpataka og inom. Atong pilion ang ilimnon nga makahatag natu og kaayohan sa lawas.

 Ania'y mga ilimnong healthy,natural ug refreshing pa ug sayon pa gyud himoon . Isagol lang nimo sa tubig ang hiniwa na prutas ug utanon.

1.Green Tea + Mint + Lime

Ang pag-inom niini makatabang sa pag hilis sa fats sa atong kalawasan. Makatabang usab kini sa digestion, sakit sa ulo, congestion ug breath freshener.

2.Strawberry + Kiwi

Kini makatabang sa atong Cardiovascular, moprotekta sa atong immune system, blood sugar regulation ug digestion.

3.Cucumber + Lime + Lemon

Makatabang kini sa pag monitor sa hibug-aton nga tubig sa atong lawas, butod, mokontrol usab kini sa gana sa pagkaon, hydration ug digestion.

4.Lemon + Lime + Orange

Aduna kini Vitamin C. Makatabang sa atong digestion, moprotekta sa immune system, ug kabuhi. (Kinutlo ni Frenz Maireen F. Taborada, USJR Masscom Intern ,gikan sa www.ideadigezt.com/ )

Inato nga munchkin

Kung ikaw nangita og pwedeng manegosyo, bisan pa man anaa ra ka sa inyong balay. Aniay pagkaong pwede nimong ibaligya sa imong mga silingan sa barato nga presyo:

Ang munchkin usa ka desert nga pwede nimong iandam sa mga party o mamahimo usab kining snack. Pwede kini nimong mahimo sulod sa inyong balay sulod lang sa 30 minutos.

Mga sagol:

Dinugmok nga biskwit

(Graham o chocolate crackers)

Condensed Milk        

Desiccated Coconut

Marshmallow

 Pamaagi:

1. Isagol ang dinugmok nga biscuit ug ang condensed milk sa usa ka panaksan.

2. Pagkuha og gagmay nga bahin sa nasagol ug ihulma kini ngadto sa imong kamot hangtud nga malingin kini.

3. Ibutang dayon sa tunga ang marshmallow.

4. Ihulma pagbalik ang munchkin ug dayon iligid kini sa desiccated coconut.

5. Ipadayon ang maong proseso hangtud nga mahurot ang munchkin ug ibutang sa refrigerator gumikan kay lami kaayo kini kan-on basta bugnaw.

(Frenz Maireen F. Taborada, USJR Masscom Intern gikan sa salayushawu.blogspot.com)