Kung sabagay, ‘di pa naman napapatunayang may kasalanan sina Senador Bong Revilla at Jinggoy Estrada kaya ‘di pa nila nararamdaman ang hirap ng maging isang tunay na bilanggo. Marami pa silang bisita at pagkaing tinatanggap. Sana, sakali mang magbago ang panahon at tuluyang silang mapiit, huwag sanang magbago ang pakikitungo sa kanila maski na at lalo na nung mga hindi nila kapamilya at supporters lamang. Dun sila kakailanganin nang husto ng dalawang aktor na minarapat magsilbi sa bayan at pagkatapos ay sa piitan lamang pala hahantong. Samahan natin ang dalawa hanggang sa huli.
Ex-wife ni Derek mukhang pera?!
Hindi naman pala tinatalikuran ni Derek Ramsay ang obligasyon niya sa kanyang anak, so ano ang inirereklamo ng dating asawa niya? Totoo ba na gusto niyang gawing palabigasan ang aktor?
Huwag naman, kunin mo lang ang inaakala mong karapatan mo, para hindi ka masabihang mukhang pera. Ipagpasalamat mo na hindi tinatalikdan ni Derek ang obligasyon niya sa anak niyo. ‘Yun naman ang pinakamahalaga, ‘di ba?
Batang talents ng Kapuso may ibubuga talaga
Ang galing naman ng mga Kapuso artist na sina Barbie Forteza at Miggs Cuaderno. Pareho silang Best Supporting Performers sa katatapos na Cinemalaya filmfest. Ang babata pa nila, award-winning actors na sila. Si Barbie, kahit inaapi-api sa The Half Sisters, lumalaban pala sa aktingan at si Miggs, dala-dalawa pa ang entry, ‘di ba ang galing nila?