MANILA, Philippines – Naiuwi ng mga batikang aktres ang pinakamataas na parangal sa 10th Cinemalaya Philippine Independent Film Festival na ginawa sa Cultural Center of the Philippines sa Pasay City kagabi.
Nasungkit ni Nora ang Best Actress award sa Directors Showcase category para sa kanyang pagganap sa obra ni Joel Lamangan na “Hustisya.”
Nakuha rin ng Hustisya ang Directors Showcase NETPAC award at Audience's Choice award.
“Kung hindi po dahil sa kanila, wala po ako dito sa harapan ninyo ngayon,” mensahe ng superstar sa kanyang mga taga hanga.
“Asahan ninyo na habang andyan kayo na sumusuporta pa rin po, patuloy akong gagawa ng pelikulang makabuluhan, lalo na sa mga kabataan ngayon. Sana po'y magsilbing inspirasyon sa kanila lahat ng mga ginagawa kong pelikula.”
Samantala, best actress din si Eula sa New Breed category para sa pelikulang “Dagitab” na kinubra rin ang Best screenplay award at Best Director ara kay Giancarlo Abrahan.
“Dinasal ko po kasi ito e,” kuwento ni Eula. “Nagdasal po ako. Sabi ko, 'Lord, bigyan mo naman ako ng chance na gumawa ng isang magandang pelikula, isang matalinong pelikula.' At pinadala naman, naka-DHL.”
Tinanggap naman ng GMA7 young artitsts na sina Barbie Forteza at Migs Cuaderno ang best supporting actress at actror sa New Breed category.
Sa Directors Showcase category, si Nicco Manalo, anak ng komedyanteng si Jose Manalo, ng “The Janitor” ang Best Supporting Actor.
Wagi rin si Michael Tuviera ng “The Janitor” ng Best Director award sa Directors Showcase, habang ang “Kasal” ang nakakuha ng Directors Showcase Best Film award.
Narito ang kumpletong listahan ng mga nanalo:
DIRECTORS SHOWCASE:
Best Film: Kasal
Best Director: Michael Tuviera, The Janitor
Special Jury Prize: Hari ng Tondo
Best Actress: Nora Aunor, Hustisya
Best Actor: Robert Arevalo, Hari ng Tondo
Best Supporting Actress: Cris Villonco, Hari ng Tondo
Best Supporting Actor: Nicco Manalo, The Janitor
Best Screenplay: Aloy Adlawan and Michael Tuviera, The Janitor
Best Cinematography: Mycko David, Kasal
Best Production Design: Harley Alcasid, Kasal
Best Editing: Tara Illenberger, The Janitor
Best Original Musical Score: Richard Gonzales, Kasal
Best Sound: Mike Idioma, The Janitor
NEW BREED:
Best Film: Bwaya
Best Director: Giancarlo Abrahan, Dagitab
Special Jury Prize: K'na the Dreamweaver
Best Actress: Eula Valdez, Dagitab
Best Actor: Dante Rivero, 1st Ko Si 3rd
Best Supporting Actress: Barbie Forteza, Mariquina
Best Supporting Actor: Migs Cuaderno, Children's Show
Best Screenplay: Giancarlo Abrahan, Dagitab
Best Cinematography: Neil Daza, Bwaya
Best Production Design: Toym Imao, K'na the Dreamweaver
Best Editing: Gerone Centeno, Children's Show
Best Original Musical Score: Erwin Fajardo, Bwaya
Best Sound: Children's Show
Special Citation for Ensemble Acting: Elmo Magalona, Coleen Garcia, Sophie Albert, and Kit Thompson, #Y
NETPAC Award:
Directors Showcase: Hustisya
New Breed: Bwaya
SHORT FEATURE:
Best Screenplay: Kevin Ang Tan, Lola
Special Jury Prize: The Ordinary Things We Do
Best Director: Kevin Ang Tan, Lola
Best Film: Asan si Lolo me?
Audience Choice Award:
Short feature: Lola
Directors Showcase: Hustisya
New Breed: Sundalong Kanin
Special Award for Best Poster Design: Justin Besana, Asintado
Canon Award for Cinematography: Children's Show