CEBU, Philippines- Giangkon ni Mark Neumann nga dugay na niyang crush si Sarah Geronimo ug na -starstruck siya sa dihang nakit-an na niya kini sa personal atol sa press launch sa YES! Magazine 100 Most Beautiful Stars. Dugang usab ni Mark nga gusto niyang makatrabaho si Sarah.
Seguradong imbitado
Tsika pa ni Solenn Heusaff nga sila si Heart Evangelista ug Lovi Poe ang siguradong imbitahon niya kung magpakasal man siya. Sila si Heart ug Lovi ang suod nga mga higala ni Solenn sa showbiz.
Unsa man gyud Elmo?
“Ready na yung katawan ko, yung utak ko hindi pa,” kini maoy gipadayag ni Elmo Magalona sa dihang gipangutana kung morampa na ba siya sa umaabot nga Cosmo Bash. Si Elmo nalakip sa pelikulang #Y alang sa Cinemalaya Independent Film Festival.
Musoporta sa higala
Malipayon si Erik Santos alang kang Mark Bautista kinsa napili nga modala sa karakter ni President Ferdinand Marcos sa hit musical play nga “Here Lies Love”. Kahinumduman nga usa si Erik sa mga ni-audition sa maong papel kauban sila si Christian Bautista, Markki Stroem ug Jake Macapagal.
Priority ang gimabdos
Gibutyag ni Melissa Ricks nga prayoridad niya ang umaabot niya nga anak busa wala mosantop sa iyang huna-huna nga magpakasal sa iyang non-showbiz boyfriend.
Gipangandaman ni Dingdong
Human sa birthday ni Dingdong Dantes niadtong Agosto 2, gipangandaman na usab niya ang birthday sa iyang uyab nga si Marian Rivera karong Agosto 12. Lima na ka tuig ang relasyon nila ni Marian ug Dingdong busa daghan ang gusto masayod kung kanus-a sila plano nga magpakasal.
Crush na sa una
Dugay na diay nga crush ni Daniel Padilla si Kathryn Bernardo sa dihang tigtan-aw pa siya niadto sa “Goin’ Bulilit”. Matud pa ni Daniel nga mapasalamaton siya ni Kathryn gumikan kay dako kini og natabang sa iyang career. Ang duha maoy bida sa remake sa seryeng “Pangako Sa’yo” nga unang gidala nila ni Jericho Rosales ug Kristine Hermosa niadtong 2000.
Lyca gikagubtan sa Cavite
Gisugat og sipa nga pag-abiba sa mga tawo ang “The Voice Kids” grand winner nga si Lyca Gairanod sa dihang nibisita siya dili pa lang dugay sa ilang lugar sa Tanza, Cavite. Nasuta nga dunay mga silingan niya nga nibabag kang Lyca niadto nga dili mo-audition sa maong show gumikan kay nag-usik usik lang kini sa oras ug kuwarta.
Aiko gidedma og Kapamilya star!
ABS-CBN ang midedma kaniya sa dihang iyaha kining gitagad sa dihang nagsugat sila sa tugkaran sa maong network.
“There was this one time,I was just smiling dito sa bagets na artistang ito. So sabi ko sa kanya ‘Hi, I’m Aiko Melendez.’ Tapos wala lang, tiningnan lang niya ako. So sabi ko parang, ay okay,” tsika pa ni Aiko sa interview niini sa dzMM niadtong Domingo.
Nagdumili hinuon pagbutyag si Aiko sa pangalan sa maong artista ug nakaingon nga duna gyu’y mga bag-ong artista ang wala’y respeto sa mga beteranang artista.
“Ako kasi for a time, ‘di ba I was away when I was in politics, so hindi talaga ako updated sa mga baguhang artista. Hindi ko sila kilala. So ako, my way of reaching out is when I see them, I smile at them hoping that I get a smile back and introduce myself,” dugang pa niya.
Tambag ni Aiko sa mga bag-ong artista nga kanunay nga mapaubsanon aron magbaha ang madawat nila nga blessings.
Gipangayuan og P40M Derek gi-blackmail sa iyang asawa?
Gibutyag sa abogado ni Derek Ramsay nga si Atty. Joji Alonzo nga dili tinuod ang gipadayag sa kanhi hinigugma sa aktor nga si Mary Christine Jolly nga matud pa wala kini misustento sa ilang anak .
Nasayran nga mipasaka og criminal case si Mary ngadto kang Derek. Suma pa ni Alonzo nga gi-blackmail ni Mary si Derek aron mahatagan kini og P40 million. “Please do not believe everything you’ve read. I have been on board this concern some 3 years ago. Mary has been blackmailing Derek to give P40M,” suma pa ni Atty. Alonzo. Gawas sa iyang pagka-legal counsel ni Derek, si Alonzo usab ang producer sa umaabot nga pelikula sa aktor nga English Only kung diin kapares sa aktor ang Kapuso star nga si Jennylyn Mercado.
Alden nahugyaw sa abilidad sa mga Sugbuanon
Panahon na gayud karon ni Kapuso prime leading man Alden Richards! Human gipahibawo nga siya maoy mudala isip Dr. Jose Rizal sa umaabot nga GMA historical primetime series Ilustrado, napili usab siya isip co-host ni Asia’s Songbird Regine Velasquez-Alcasid, sa umaabot usab nga reality-talent search sa network, Bet ng Bayan.
“It’s definitely a privilege to become part of a show like this that aims to discover nothing but the best Filipino talents across the country,” nagkanayon si Alden atol sa iyang pagtekang sa SM City Cebu niadtong July 26 aron personal nga masaksihan ang gipahigayon nga audition dinhi sa Queen City of the South.
“The experience, for me, was really inspiring knowing thousands of aspirants are ready to take a chance on fulfilling a lifetime dream. Sa Cebu pa lang, napakarami nang deserving makapasok at manalo. I just can’t wait for the show to air so the viewers can see the exceptional talents of our kababayans,” ni Alden pa.
Ang Bet ng Bayan mugna sa Network’s Entertainment TV group, inabagan sa GMA Regional TV. Tumong niini ang pagbandera sa pambato sa kada rehiyon sa panagtigi aron maoy ilhon nga nasudnong mananaog.
“We take the effort to bring local talent to a national platform through Bet ng Bayan, by seeking them out where they are,” pasabot pa ni Program Manager Charles Koo. “Makikita natin sa show na ito ang galing ng bawat lugar, at sa paghaharap-harap ng iba’t ibang bayan, magkakaroon ng pagkakataon ang bet mo na maging Bet ng Bayan,” dugang pa niya.
The Trial
Nag-ulohan og The Trial ang umaabot nga pelikula nga pagabidahan nila ni John Lloyd Cruz, Jessy Mendiola, Gretchen Barretto, Richard Gomez, Enrique Gil, ug Maricar Reyes. Si Chito Roño maoy direktor sa maong pelikula.