August 1, was a prayerful Friday! Kini gumikan kay mga upat gayud ka mga tawo ang naghisgot diri kanako kabahin sa gahum sa pag-ampo. Sayo sa buntag may ni-text nako nga magpalakip siya sa akong mga pag-ampo niadtong adlawa. Panghinaot niya nga malampusan niya ang krisis nga iyang gisagubang. Ako siyang gibawsan og text nga nagkanayon: Ok! Believe and have faith! God will not forsake you, not even for a blink!
Paghuman niadto, nakakita ko sa Facebook post sa akong higala ug classmate sa college kaniadto Alma Mondigo, nga nanawagan og pag-ampo alang sa kalig-on ug kalampusan sa sagubangon nga operasyon sa iyang higala nga si JP Lao, kinsa adunay gihambin nga balatian ug anaa sa tambalanan. Panawagan ni Alma nga ipadayon ang mga pag-ampo nga magmalampuson ang major surgical operation sa host sa Rated JP sa Radyo Singko. Kumbinsido siya nga ang pag-ampo maoy hingpit nga muluwas sa iyang higala.
Pagkahapon, ni-text akong mama ug nagpasalamat. Suma pa sa akong mama nga nagpunay gayud siya og ampo kay wala na siya'y ipalit og pasaw sa iyang mga baboy. You know, never man gud na mu-demand akong mama namong mga anak, maghuwat ra gayud na siya og hatagan. Bisan wala na na siya'y kwarta, magpa aron ingnon na siyang naa kay maikog siya mangayo namo. Pero mag-ampo na siya nga malingkawasan ang kun unsa man gani ang iyang panginahanglanon. Needless to say, gidungog sa Ginoo iyang pag-ampo.
Pagka gabii may nahimamat ko nga abogado nga nipaambit nga unang adlaw gyud niya sa law school kaniadto nag-ampo na gayud siya nga mamahimo siyang abogado. Dugang paambit pa ni Atty. Gallardo Escobar nga kada adlaw siya musimba, ug sa dili pa siya magbasa sa iyang mga libro, mag-ampo sab siya ngadto sa espiritu santo nga lamdagan siya ug nga mahinumduman pa niya ang iyang gitun-an sa panahon na unya sa bar exam. Gikaluhaan pa ni niya og basa sab og bibliya. Kay kun magtuon matud pa ka kabahin sa balaod sa kalibutan, angayan nga nasayud ka usab sa balaod sa Ginoo. Suma pa niya nga atol sa bar exam confident siya " kay nag-ampo man ko."
Pahamis sa panit
Dili gyud sayon ang pag-atiman sa atong panit. Ang pagpabiling hamis, puti ug presko sa atong pamanit hilabihan gayud ka gasto. Sa atong modernong teknolohiya, aduna nay nagkadaiyang mga beauty products nga nanggawas karon. Aron pagkab-ot sa mahamis nga pamanit dili lang beauty products ang saligan apan lakip na usab mga pagkaon nga puno sa bitamina alang sa atong panit ug kalawasan.
Ania'y listahan sa mga pagkaon nga adunay mga bitamina aron makab-ot gayud ang gipangandoy nga hamis ug puti nga panit:
1. Red Bell Peppers
Ang red bell pepper mahimong makaong luto o hilaw. Aduna kini 100% Vitamin C. Aduna usab kini dietary fiber ug Vitamin B6. Puno usab kini sa carotenoids nga makatabang sa pagpugong sa pagpanggawas sa mga wrinkles ug makatabang usab kini sa pagtaas sa blood circulation sa imong pamanit nga mao ang makamintin sa imong batan-ong pamanit. Makatabang usab kini sa paglikay sa mga bugas-bugas.
2. Dark Chocolate
Ang Dark Chocolate puno sa antioxidants, fatty acids ug flavanols nga makatabang sa mahamis ug puti nga pamanit. Ang antioxidants niini makaubos sa sagutsoton nga panit ug makatabang kini sa pagpanalipod sa atong panit gikan sa kainit sa adlaw. Ang cocoa usab mudungag sa blood circulation aron makabaton og mahimsog nga pamanit.
3. Green Tea
Ang green tea adunay antioxidants, amino acid ug L-theanine nga makatabang sa pag-relax sa atong kalawasan ug pagwagtang sa stress nga maoy hinungdan sa pagpanggawas sa mga wrinkles ug bugasbugas. Kini usab makatabang aron malikayan ang pagtaas sa blood pressure. Inom og tulo ka tasang green tea matag-adlaw aron makita dayun nimo ang resulta.
4. Spinach
Bisan man nga dili maayo ang lami niining spinach apan dako kini og matabang sa atong panglawas ug pamanit. Puno kini sa iron, folate, chlorophyll, Vitamin A, C ug E, magnesium, fiber, ug plant protein. Ang Vitamin C, E ug A perpekto bitamina nga makatabang sa atong panit.
Ang Spinach adunay antioxidants nga makatabang sa paglikay sa mga sakitsakit sa panit.
5. Papaya
Matud pa sa research nga ang papaya adunay bitamina nga makapanindot sa atong panit, ug daghan na ang nagpamatuod niini. Ubos kini sa calories, fructose ug wala kini cholesterol. Aduna kini antioxidants sama sa Vitamin C, E ug beta-carotene, nga makapa-ubos sa hubag-hubag ug bugasbugas. Ang Vitamin C usab moprotekta sa imong panit gikan sa kainit sa adlaw.
6. Carrots
Ang carrots dili lang maayo sa atong mata, apan lakip na niini ang atong panit. Maayo kini sa pagwagtang sa mga breakouts sa atong panit. Ang carrots puno sa Vitamin A nga mopugong sa sobra nga produksyun sa mga cells sa outer layer sa atong panit nga naggikan ang sebum nga musagol sa dead cells ug clog pores. Ang Vitamin A usab makatabang sa paglikay sa skin cancer.
(Frenz Maireen F. Taborada, USJR Masscom Intern kinutlo gikan sa http://www.ideadigezt.com/ ten foods to eat everyday for perfect skin)