'Seloso akong tatay' – John Estrada

MANILA, Philippines – Todo suporta si John Estrada sa showbiz career ng kanyang anak na si Inah.

Ikinuwento ni John sa kanyang guesting sa “Aquino & Abunda Tonight” na umere kagabi na pinayuhan niya ang kanyang anak sa mga maaaring mangyari sa mundo ng showbiz.

“[Sabi ko], seryosohin mo ang trabaho na 'to dahil puwedeng maging maganda ang buhay mo dito at marami kang matutulungan sa trabahong ito,” kuwento ni John.

Bibida si Inah sa kanyang unang palabas na pinamagaang “Witch-A-Makulit” na episode ng “Wansapanataym.”

Samantala, natanong din ang Kapamilya actor kung may nanliligaw na sa kanyang teenager na anak.

“Wala na pong oras, Tito Boy, hindi ko na po masasagot,” pabirong sagot ni John pero kalaunan ay sumagot din ng seryoso.

“Seloso akong tatay, alam ng mga anak ko 'yan.”

Humirit naman si Kris Aquino tungkol sa pagiging “chickboy” ni John: “because you know what you did?”

Sumagot naman ang aktor ng: “Honestly, Tito Boy, baka tama si Kris. Ang magnanakaw ay takot sa sariling magnanakaw. I have nothing to hide.”