‘Bawal ang Maingay’, ni Goma sa TV5 gagamit ng napaka-sensitive na device!
MANILA, Philippines - Bubuhos ang kakaibang saya tuwing Linggo ng gabi sa nalalapit na pagbubukas ng pinakabagong comedy game show ng bayan, ang Quiet Please! Bawal ang Maingay! simula ngayong Agosto 10, 8:00 p.m. sa TV5.
Tiyak na naiiba ang bagong handog na ito ng Kapatid Network dahil sa Quiet Please! Bawal ang Maingay, dadaan sa iba’t ibang exciting challenges ang mga contestants kung saan hindi nila puwedeng ma-alerto ang “noise-meter” (isang napaka-sensitive na device na tumutunog kapag na-reach ang partikular na noise level na limit nito).
Sa madaling salita, para mauwi ng mga contestant ang bonggang grand prize ng programa, kinakailangan nilang magtagumpay sa bawat round nang walang ginagawang anumang tunog o ingay—nakakaloka di ba?
Bukod sa kakaibang konsepto ng programa, kaabang-abang din ang pagbabalik-telebisyon ng isa sa mga ultimate heartthrobs sa industriya ng Philippine showbiz na si Richard Gomez, na siyang napili ng TV5 na mag-host ng Quiet Please! Bawal ang Maingay.
Makiki-join naman bilang co-host ni Goma ang komedyanteng si K Brosas, na siguradong magdadagdag sa saya at katatawanan.
All set na ngang ‘mag-ingay’ ang pinakabago at pinakakakaibang palabas ng TV5, kaya’t dapat abangan ang pagsimula ng Quiet Please! Bawal ang Maingay tuwing Linggo ng 8:00 p.m. ng gabi, simula Agosto 10, sa TV5!
- Latest
