Wala maghikog uy!

CEBU, Philippines- Giklaro ni Rod Cornejo, apohan ni Deniece Cornejo nga wala misuway pagpakamatay iyang apo. Matud pa ni Rod nga igo lang kini nisuwat sa iyang pulso og “WR” ug gigamit niini ang eyebrow liner.  Women’s right ang gipasabot ni Deniece sa nahisgutan nga mga letra. Gibuhat kini ni Deniece isip protesta sa pakyas niya nga pagkuha og hustisya sa kasong rape nga gipasaka niya batok kang Vhong Navarro.

Elevator girl natsugi

Wala abti og usa ka buwan ang  elevator girl nga si Cheridel Alejandrino sa Pinoy Big Brother All In. Natangtang si Cheridel sa maong reality show niadtong Domingo sa gabii.

Big winners

Sila si Sarah Geronimo ug Daniel Padilla ang big winners sa bag-ohay lang nga M.O.R Pinoy Music Awards nga gipahigayon sa SM Mall of Asia Arena sa miaging adlaw. Si Daniel midaug isip Male Artist of the Year, samtang si Sarah midaug isip Female Artist of the Year.

Napuno ang venue

Mapasalamaton si Maja Salvador sa mga nisuporta kaniya sa kalampusan sa labing una niyang concert nga gi-ulohan og “MAJ-The Legal Performer” nga gipahigayon niadtong Hulyo 12 sa Music Museum.  Matud pa nga napuno gyud sa mga tawo ang venue sa concert.

Inspirasyon sa kadaghanan

Gipadayag ni Gerald Anderson nga nahimong inspirasyon sa kadaghanan ang iyang uyab nga si Maja Salvador partikular na sa mga tawo nga dunay mga gipangandoy. Nasayran nga dugay na nga gipangandoy ni Maja nga makabaton og solo concert.

Rayver mikanta

Nagpalahi si Rayver Cruz sa concert ni Maja Salvador ug nidalit siya og awit alang sa aktres. Gikanta sa aktor ang All of Me busa naukay ang audience kaniya sanglit nailhan man si Rayver isip maayo mosayaw. Suma pa ni Maja nga dugay ra siya nga nakahibalo nga dunay talent sa pagkanta si Rayver.

Jasmine nagpasalamat ni Robin

Mapasalamaton si Jasmine-Curtis Smith sa dihang nisugot si Robin Padilla nga malakip sa  serye niya nga  “Jasmine”. Super happy ako kasi, you know, here on TV5, we’re very blessed to have such a great actor and such a well-known actor as part of our show,” suma pa ni Jasmine.

Pagtin-aw sa imahe

Tsika pa ni Julia Barretto nga gusto siya mailhan sa katawhan isip teen star nga maayo nga moarte, ug dili lang kutob sa iyang istado nga gikan sa iladong pamilya.