CEBU, Philippines - Si Dennis Trillo mismo ang nagpili kang Kris Bernal aron maoy mahimong leading lady niya sa upcoming series sa GMA-7 nga Hiram na Alaala . Malantawan usab sa maong serye sila si Rocco Nacino ug Lauren Young.
Rap giatngan og serye
Naghinam-hinam na si Rap Fernandez alang sa iyang pagbakasyon didto sa Europe. Inigbalik niya dinhi sa Pilipinas, nag-atang kaniya ang usa ka proyekto. Malakip ang aktor sa umaabot nga serye sa GMA-7 nga Hiram na Alaala.
Eugene misidlak sa Madrid
Nominado alang sa pagka-best actress sa Madrid International Film Festival (MIFF) ang bida indie film nga Barber's Tales nga si Eugene Domingo. Kahinumduman nga makadaghan na nga higayon nga nakakuha og atensyon sa laing nasud ang pag-arte ni Eugene.
Pahiyom ang tubag
Igo lang mipahiyom ang uyab ni James Yap nga si Michela Cazzola sa dihang gipangutana kini kung andam ba siya mosulod sa showbiz. Giingong komportable na kaayo si Michela sa mga TV interview busa nabatyagan ang iyang aura sa TV screen.
Wala'y kompetisyon
Giklaro ni Eula Caballero nga wala siya maghuna-huna og kompetisyon tali kaniya ug sa kauban niya sa TV5 nga si Ritz Azul. Ang duha giisip nga mga prinsesa sa Kapatid Network.
Pops namaligya og wedding gown
Gawas sa pag-produce og mga konsyerto, usa pud sa gikabisihan karon ni Pops Fernandez mao ang negosyo niya nga wedding gown. Ang singer mismo ang nagdesinyo sa pipila niya ka mga produkto.
Bag-ong balay
Miistar na si Sunshine Cruz ug ang iyang mga anak sa bag-ong balay nila sa Parañaque City. Suma pa ni Sunshine nga malipayon na siya uban sa iyang mga anak bisan pa man nga buwag na sila ni Cesar Montano.
Uncut trailer
Makita lang matud pa sa Youtube ang uncut trailer sa pelikulang Trophy Wife gumikan sa mga init nga eksena niini. Dili kaayo daghan ang init nga eksena sa trailer niini sa mga sinehan ug telebisyon.
Tun-an pa
Gibutyag ni Piolo Pascual nga gitanyagan ang iyang anak nga si Inigo nga mahimong sakop sa usa ka boy band nga nagbase sa Amerika. Gitun-an pa sa iyang anak ang maong offer gumikan kay prayoridad pa niini ang iyang pag-eskwela.
Maja gisurpresa ni Gerald
Wala makaagwanta si Gerald Anderson ug nilantaw gyud kini sa konsyerto sa iyang uyab nga si Maja Salvador niadtong Sabado sa gabii sa Music Museum. Mikatkat si Gerald sa entablado samtang gikanta ni Maja ang "Skycraper." Una na nga gibutyag ni Maja nga dili siya komportable nga motan-aw ang iyang uyab sa concert.
Bigtime the Ultimate Celebrity Vocal and Performance Coach”
Nahimo na nga parte sa iyang kinabuhi ang musika, kini maoy gibutyag ni Jay Unchuan kinsa ilado na kaayo nga mentor sa natad sa musika dinhi sa Sugbo.
"Kung walay music, boring ang kinabuhi. We are nothing without music! Music sets the mood of our souls," suma pa niya.
Migradwar siya sa University of San Jose Recoletos sa kursong AB - Liacom Major in Marketing and Communication. Samtang niadtong Mayo pinaagi sa Expanded Tertiary Education Equivalency and Accreditation Program (ETEEAP) sa USJR .
"I was fortunate enough to graduate at the top of the class of USJ-R's ETEEAP Batch 11 and was awarded as the Most Outstanding Graduate and had the Most Outstanding Project Study. I was the only one nga nakakuha og duha ka Gold Medals. Susama ra na og istoryaha sa summa, hambugera hahahaha," saysay pa ni Jay dinhi sa Banat News Hugyaw (BNH).
Gibutyag ni Jay nga gusto sa iyang mga higala nga mokuha siya og kursong mass communication apan nakahuna-huna kini nga gusto pud siya og business course hinungdan nga nikuha siya og AB Liacom nga kombinasyon sa duha ka nahisgutang mga kurso.
Layo ra kaayo ang kurso nga iyang nahuman sa industriya nga iyang gisudlan karon. Giklaro ni Jay nga aksidente lang ang pagkasulod niya sa kalibutan sa musika.
"Ganahan ko mag kanta-kanta but never serious. One day around August of 1999, I got bored so nangita ko'g buhaton. Timing kaayo kay ang akong friend told me about Center for Pop Music Philippines, so ni enroll ko. After three months, nikuyog ko sa mga coaches and staff to Baguio City for the Coaches Academy, a training ground and seminar for all employees sa Center for Pop. I found myself like a fish nga gilabay sa tubig," niya pa.
Nabaid ang iyang talento sa pagkanta ug daghan gyud siya og nakat-onan niini sulod na sa 15 ka tuig.
QandA
BNH: Nganong matawag nga partner sa kinabuhi ang musika?
Jay: Maybe tungod sa influence nga mahatag sa music kanato. It depends on our mood eh. If sad ta, nindot maghilak-hilak and emote sa music nga luoy kaayo. If happy ta, mga bongga sad kaayo ato mga paminawon. Maka-relate ang mga tawo ani nga fact, haha.
BNH: Unsa ang imong gikabisihan karon?
Jay : Karon nga nahuman na ang summer classes, I'm kinda busy rejuvenating and recharging myself. I want to focus muna on myself. Daghan kaayo ko ganahan buhaton and I think karon is the right time for me to do it. Travelling and catching up with my friends ug ang akong pamilya maoy priority para nako karon.
BNH: Giunsa nimo pagdiskubre ang talent nimo sa pagkanta?
Jay: Naka-remember ko nga bata pako, kusog nako mag-concert sa amo balay , hilig ko mokanta sa songs ni Madonna and mo tungtung sa lamesa and mag show para sa mga tawo! Hahaha!!! Paka-uwaw rah gyud ko! .
BNH: Nahimo ka nga mentor sa kinsa nga mga celebrities?
Jay: I have had the privilege to be able to teach and impart lessons to a lot of people which include the ordinary people, students, the upcoming hopefuls, and celebrities. That is why gihatagan ko nila og titulo nga: The Ultimate Celebrity Vocal and Performance Coach.
BNH: Unsa ka nga klase nga pagka-mentor?
Jay: Strikta, maldita, lingaw ug taas og pasensya, hehehe. I don't just teach people to sing, I teach them how to perform. Ganahan sad ko nga kung kinsa ang ma tudlo-an nako, they should be able to be the best that they can be on stage and off-stage. I like building up people pero dapat mo tabang sad sila sa ila kaugalingon. Dili puede nga maayo ka sa stage pero ngil-ad ka og kina-iya. Kontra kaayo na nako mga tawo nga ingon-ana. I am not just a vocal and performance coach, I am a life coach.
BNH: Regular judge naka sa tinuig nga Sinulog Idol sa dakbayan sa Sugbo, unsa nga tips ang kanunay nimo nga ihatag sa finalists?
Jay: I've been a resident judge since Season 1. Kada tuig pareho ra gyud ako itambag nila. I always tell everyone na ayaw pang sunod sa tingog sa lain especially sa mga sikat nga singers. I tell them also to "be yourself and strive to be the better version of yourself. Talent is just 10%, hardwork and perseverance 40%, and 50% is your personality. Hundred percent na bah na? Hahaha!!!
BNH: Kanus-a ka makaingon nga nindot og tingog ang usa ka tawo?
Jay: Kung nindot siya paminawon inig kanta then maayo na siya. Pero if naay mokanta nga iya gyud kaugalingon nga tingog, mas nindot pa gyud na siya. Pero if maka panimbawot nako inig kanta sa usa ka tawo, maayo na kaayo nah. And I'm not talking about great singers lang even ang mga beginners sad. Sa tinuoray, mas challenging and mas fulfilling ang mga tawo nga i-train nga wala pay training ever compared to mga singers na daan.
BNH: Unsa'y sekreto aron dili maguba ang hugyaw nimo nga tingog?
Jay: Dapat kahibaw ka sa imo personal limitations. Lahi-lahi man kada tawo. Para sa akong kaugalingon, I won't drink alcoholic beverages, no sweets, and fruits (like mangoes) if naa koy performance, naa koy i-train, and if mag-workshop ko.
BNH: Kung papilion ka og usa ka kanta nga mohaom sa istorya sa imong kinabuhi, unsa kini ug ngano man?
Jay: Pilion nako ang Titanium. Naa ko sa industriya nga dili tanan tawo sincere and tinuoray nimo. Maayo lang sa imo atubangan pero ig talikod nimo, grabeh na diay ang ilang gipang sulti nga ngil-ad. Bisan unsa pa ila ipang sulti about nako, I really don't care about those type of people and majority of the people nga kaila gyud nako know the truth. "Shoot me down but I won't fall. I AM TITANIUM!"
Name: Jay Unchuan
Birthday: June 22
Birthplace:
Cebu City
Favorite songs: You'll Never Walk Alone/ Go The Distance
Favorite movie: Titanic
Favorite TV shows : E! NEWS/Just For Laughs
Celebrity Crush: Zac Efron
Principle In Life: You have nowhere to go but UP. (BANAT NEWS)