CEBU, Philippines - Gikatakdang motikang dinhi sa nasud sunod tuig ang mga dagkong personalidad sa international music scene nga sila si Celine Dion, Justin Timberlake ug Ed Sheeran alang sa usa ka concert.
Ang TV host nga si Kris Aquino maoy nibutyag niini kagahapon ug giangkon niya nga nakadawat siya og imbitasyon aron molantaw sa concert sa nahisgutan nga mga singers didto sa Amerika aron makapaambit siya sa ubang mga Pinoy kung unsa ang mahitabo sa concert sa maong singers dinhi sa nasud sunod tuig.
"So there's an invitation for an experiential account of watching... apat 'yung in-invite nila: Justin Timberlake, One Direction, Celine Dion and Ed Sheeran, lahat sila pupunta rito next year,” suma pa ni Kris.
Ning tuiga lang usab gi-anunsyo nga adunay umaabot nga concert ang One Direction sunod tuig busa nailhan na karon ang Pilipinas nga kusog bisitahon sa mga sikat nga singers.