Cebuano "Yagit"

Hugyaw nga Domingo mga SweetKabutanding! Mapasalamaton kaayo ang grupo sa Yagit usa sa mga umaabot nga GMA Afternoon Prime tungod sa init sa pagdawat sa mga Sugbuanon sa ilang gipahigayon nga Yagit audition niaging Sabado sa usa ka mall sa Sugbo. Malipayon kaayo sila hilabi na si Direk Gina Alajar sa gipakitang katakos sa mga chikiting ibabaw sa entablado, bisan pa man medyo gipangkulbaan. Sanglit ang inyong Pambansang Mother Butanding man ang nahimong host, usa ako sa mga buhing saksi sa mga eksena sama sa ka busy kaayo sa mga ginikanan sa pagpa praktis sa script sa ilang mga anak, sa pagpasul-ob sa sanina nga mamahimong yagit kini tan-awon, pag-andam sa mga props, picture dire picture didto. Dunay mga bata nga makalimot sa isulti kung naa na sa stage,sa ilang acting challenge kung naghilak na sa stage hangtud mahuman naghilak lang gihapon, para mawala ang kakulba sa bata dunay gipakanta ni Direk Gina, gipasayaw ug gipabalak. Sigon pa ni Direk Gina nga nagsaulog sa iyang adlaw’ng natawhan nga gikantahan sa tanan og birthday song with a cake, dunay dakong chance nga adunay malakip nga Sugbuanon sa maong programa. O di ba hugyaw? Ug dili lang na, mas nisamot ka init ang kahapunon kay ni perform pa si Wowie de Guzman, nihalad og sikat nga sayaw sa ilang grupo kaniadtong Universal Motion Dancers. Makaingon ko nga walang kupas pa rin si Wowie kay daghan pa gyud ang gikilig og singgit kay Wowie. Take note mga Sweet KaButanding, usa pud diay ka theatre actor si Wowie kay sa facebook sa dihang iyang gi- post ang among picture (another feeling close moment) ni comment ang usa ka stage director nga friend niya ug friend nako. What a small world! Nauwaw pa gyud ko sa dihang nag-chat mi kay hugyaw sad kaayo ko og caption sa among picture "Loveteam Judy Yuri Santos and Wowie de Guzman", maayo na lang cool ra pud kaayo siya. Para sa umaabot nga Yagit sa GMA Afternoon Prime lahi nga Wowie atong makit-an, siguradong ato siyang kalagutan mao nga ayaw kini sipyata! Ug kinsa man gani nga taga Cebu ang mahimong parte sa Yagit...Congratulations!!!

Kuyugi gihapon ang inyong Pambansang Mother Butanding sa BuenamanoBalita Lunes hangtud Biyernes 6:15-7:15am sa GMA7

Follow me on facebook/instagram/ twitter sa: [email protected]