CEBU, Philippines - Gipasalig ni Andoy Ranay nga himoon gyud niya og sikat nga movie stars sila si Nadine Lustre ug James Reid kinsa bida sa umaabot nga pelikula sa Viva Films nga Talk Back And You're Dead. Kahinumduman nga nagsugod og kahumot ang pangalan sa duha pinaagi sa pelikula nila niadto nga Diary ng Panget .
Samtang bata pa
Positibong mga reaksyon nga nadawat ni Rochelle Pangilinan sa pag-pose niya sa FHM. Gipadayag ni Rochelle nga gusto gyud niya nga mo-pose og magazine samtang wala pa siya matiguwang.
Maxene balik pagka-single
Giangkon ni Maxene Magalona nga buwag na sila sa iyang non-showbiz boyfriend nga si Chino Copuyoc. Wala na sila'y komunikasyon niini apan iyang giklaro nga malinawon ang ilang panagbuwag.
Sandara misuporta ni Sarah
Sa pagtikang ni Sandara Park sa Singapore sa miaging adlaw, wala niya palabyi ang paglantaw sa concert ni Sarah Geronimo sa maong dapit. Suma pa ni Sandara nga dugay na niya nga giidolo ang pop princess. Kasamtangang nitikang sa Singapore si Sandara uban sa iyang grupo nga 2NE1.
Cheridel emosyonal
Wala kapugngi sa elevator girl nga si Cheridel Alejandrino ang pagtulo sa iyang luha human gimingaw na siya og maayo sa iyang anak. Duha na ka semana
nga nag-istar si Cheridel sa Pinoy Big Brother house sa ABS-CBN.
Kimerald banhawon sa pelikula
Naghinam-hinam na sila si Kim Chiu ug Gerald Anderson sa umaabot nila nga movie project nga padayon pa karon nga giluto sa Star Cinema. "It's fine, parang walang nangyari, all is well that ends well. May hiyaan factor sa umaga pero wala na sa tanghali at hapon. Ilang taon na 'yung nakalipas na 'yun, kalimutan na natin 'yun," suma pa ni Kim.
Next superstar
Napanglantawan ni Boy Abunda nga usa ka umaabot nga superstar si Kathryn Bernardo gumikan sa nagkasaka nga popularidad niini. Nasayran nga mapaubsanon gihapon kaayo si Kathryn bisan pa man sa iyang kasikat karong panahona.