CEBU, Philippines - Puwes ganahan gyud ka mudaot apan naglisud ka gumikan kay sa samang higayon, ganahan sab kaayo ka nga mukaon? Ang problema sa kasagaran nag-exercise kay gutomon og maayo paghuman nila og pasingot, maningkamot og pagamay sa tiyan ug tangtang sa bilbil, apan mabawi ra sab kay mukaon man gihapon og daghan. Saktong disiplina, kaluhaan sa saktong pagkaon ang gikinahanglan.
Puwes, ani ang mga pagkaon nga angayan nimong isulod sa imong tiyan aron mabusog ka ug aduna pa gayud kay igong kusog paghimo sa mga gimbuhaton nimo paghuman nimo og pasingot. Mao kini ang mga pagkaon nga tugob sa protena, nga makapabaskog ug makapabusog!
1.Mixed Nuts. Kun ganahan ka mukaon og mani, mas maayo nga hilaw. Saguli og uban pang matang sa nuts, dried fruits ug mga liso nga makaon.
2.Nilung-ag nga itlog. Tugob sa protena, makapaabtik ugmakabusog ang dried egg. Sa mga nag-gym paborito kining pagkaon sanglit maka umol man kini sa muscles. Adunay mga hardcore gym enthusiast nga makahurot og 15 ka nilung-ag nga itlog kada adlaw, kay ang puti nga bahin ra man ang ilang kan-on.
3.Greek yogurt ug cereal. Pangitaa kini sa supermarket ug maoy kan-a sa buntag aron sigurado nga ganado ka tibuok adlaw.
4.Cottage cheese ug fruits. Puno sa protena kining maong matang sa cheese, busa bisan gamay ra nga pahat, makabusog na. Paresi kini og prutas sama sa hiniwa nga pinya aron mas busog ka.
5.Peanut butter ug banana. Gamit og wheat bread, ipalaman ang peanut butter ug hiniwa nga saging hinog. Lamian na, healthy pa!
Dugang kasayuran kinutlo gikan sa: https://ph.she.yahoo.com
Paglikay sa bugas-bugas
Dili ka ba mahibulong kung nganong kita bugason, parte na pud niini ang hinay-hinay nga kausaban sa mga kabatan-onan karon nga nagproblema usab sa ilang mga bugasbugas sa nawong. Relax lang mo mga ate ug kuya, aniay tips alang kaninyo aron malikayan ang mga bugas-bugas sa nawong.
"Likayi ang
Junk Foods
Ang pagsige og kaon og junk foods kay makahatag og toxins sa imong kalawasan nga mosagol sa imong dugo ug moresulta na kini sa pagpanggawas sa imong mga bugas-bugas sa nawong.
"Inom og Tubig
Ang tubig makatabang sa atong kalawasan aron pagpagawas sa mga toxins. Inom og duha ka baso nga tubig sa dihang momata na ka.
"Pasingot
Ang "sauna" makatabang og dako sa atong panit ug sa nawong. Ang mainit nga alisngaw gikan sa "sauna" mopagawas sa toxins sa atong lawas pinaagi sa atong singot.
"Ehersisyo
Ang pagpunay og ehersisyo makatabang usab aron mapagawas nato ang toxins ug hugaw sa atong kalawasan. (Frenz Maireen F. Taborada, USJ-R Masscomm Intern ug gikutlo kini rehanastormme.hubpages.com)