‘Di naman puwedeng humirit ng aircon si Mayor Erap para sa anak niyang si Sen. Jinggoy, kahit siya pa ang magbayad. Paano naman ang kuryente na magagamit nito, siya pa rin ba ang tutustos? Hindi puwede dahil sa ngayon ay inirereklamo na ang sinasabing pagkiling sa dalawang bilanggong senador. ‘Yung bigyan pa kaya sila ng aircon ang hindi pagsimulan ng gulo? Hayaan na lang muna n’yo sila.
Pagkikita nina Kris at Derek, bawal
Aba, nakita sa programa ni Kris Aquino si Derek Ramsey. Napadaan lamang daw ito sa lugar ni Kris kaya dinaanan na rin siya. Nag-hi lamang ito dahil bawal sa TV5 at bawal din sa ABS-CBN na ipakita siya. Ang rami namang bawal, pero ganito talaga sa atin. Hindi ba sinabi ko na sumunod na lang tayo para walang gulo. Kung hindi pwede, eh ‘di hindi pwede. Maski na ang presidential sister ay namememohan din.
Dating child star na si Jaypee de Guzman aarte na uli
Marami ang nababalitang magbabalik-artista. Pinaka-latest dito ay si Jaypee de Guzman na isang sikat na child star dati. Kasama ito sa serye nina Manilyn Reynes at Janno Gibbs sa GMA.
Nagtapos ng filmmaking sa La Salle ang dating child star at naisip siguÂrong balikan ang pag-arte dahil mas madaling kumita rito at mas madaling makilala na makakatulong ng malaki sa kursong tinapos niya.
Isa pang sinasabing magbabalik showbiz ay si Victor Neri, isa ring magaling na aktor. Ilang panahon na ring hindi ito napapanood. Ano kaya ang nangyari sa kanya?