MARS dalawang taon na!

MANILA, Philippines - Ngayong Hunyo, doble ang saya, chikahan, at sorpresa sa pagdiriwang ng 2nd anniversary ng primetime talk show ng GMA News TV – ang MARS!

Kasama ang formidable hosts na sina Camille Prats at Suzi Abrera, maraming sorpresa ang matutunghayan sa weeklong celebration ng MARS.

Makiki-party sa MARS ang mga Kapuso stars na sina Gardo Versoza, Chynna Ortaleza, Benjamin Alves, host na sina Maey Bautista at Eagle, ang mga komedyanteng sina Boobay, Boobsie, Chubelita, at Inday Garutay pati na rin ang volleybelles na sina Jaja at Dindin Santiago ng National University. Makakasama rin para sa isang special interview segment ang mamamahayag na si Mariz Umali.

Bukod sa unang araw ng anniversary celebration ng MARS ngayong Lunes, birthday celebration rin ni Suzi kung saan may surprise appearance ang kanyang ina. â€˜MARS gives back’ naman ang tema ng selebrasyon sa Martes dahil sa gabing ito bida ang mga hiling naman ng viewers. 

Kakaibang games at showdown naman ang matutunghayan sa Miyerkules kasama ang ilang cast ng bagong drama show ng GMA 7 na Dading na sina Gardo Versoza, Chynna Ortaleza, Benjamin Al­ves, at Ashley Nordstrom. Walang humpay na tawa­nan naman ang hatid ng mga komedyanteng sina Boobay, Boobsie, Chubelita, at Inday Garutay sa Huwebes. Mas maraming surpresa naman ang naghihintay sa mga manonood sa Biyernes. 

Dapat ding abangan sa anniversary week ng MARS ang bagong batch ng mga nagwagi sa 2nd  MARS Awards!