CEBU, Philippines - Gisaulog kagahapon ang labing unang anibersaryo sa kasal nila ni Richard Poon ug Maricar Reyes, "Lighting up our GIANT wedding anniversary cake:):):) #Happy1stAnnivHon†post pa ni Poon sa iyang instagram account.
Hubog
Nakatilaw og kasaba gikan ni Kuya ang PBB Housemate nga si Ranty Potento gumikan sa iyang pagkahubog niadtong Domingo atol sa ikaupat nga eviction night sa maong hit reality show sa ABS-CBN.
Malaumon
Nanghinaot si Bea Alonzo nga suportahan usab sa mga avid viewers sa “The Legal Wife†ang umaabot niya nga serye nga “Sana Bukas pa ang Kahapon†nga magsugod sunod semana.
Kaye mitin-aw sa isyu
Gihimakak ni Kaye Abad ang isyu nga matud pa iyang gidungan niadto ang iyang ex-boyfriend nga si Guji Lorenzana samtang nakig-relasyon siya sa iyang bag-ong boyfriend karon nga si Paul Jake Castillo.
Kever lang
Giangkon sa aktor nga si Vince Velasco nga wala siya mahadlok nga mailhan siya sa kadaghanan isip artista nga maayo sa gay role. Suma pa ni Vince nga okay lang kaniya kung mao kini ang obserbasyon sa kadaghanan.
Jeric gibiyaan ni Thea
Gibutyag ni Jeric Gonzales nga naguol siya sa dihang nasayran niya nga dili na si Thea Tolentino ang iyang ka-loveteam. Suma pa nga naa na’y bag-ong leading man si Thea sa bag-ong serye sa GMA-7 nga “The Half Sistersâ€. “Happy ako para sa kanya kasi may new show siya at magkakaroon na rin siya ng chance na makatrabaho yung iba naming teen actors ng GMA,†suma pa ni Jeric.
Unya ra ang kasal
Gipadayag ni Richard Guttierez nga naka-focus karon sila si Sarah Lahbati sa ilang career ug sa pag-atiman sa ilang anak nga si Zion busa wala pa sila maghisgot og kasal.
Lanie mihilak
Nakahilak si Lanie Mercado samtang nitikang sa Senado kagahapon aron sa paghatag og suporta sa iyang bana nga si Senador Bong Revilla Jr. kinsa nihatag sa iyang mensahe kalabot sa pagkalambigit sa iyang pangalan sa pork-barrel scam.
Krista naluwas sa imbestigasyon
Malipayon si Krista Miller gumikan kay dili na siya kinahanglan nga iapil sa imbestigasyon sa Department of Justice mahitungod sa kalambigitan niya sa kombiktadong drug lord nga si Ricardo Camata. Giangkon ni Krista nga igo ra siya nga nibisita kang Camata aron pagbaligya og condo unit ug wala niya gibaligya ang iyang lawas.
Maja emosyonal
Nakahilak si Maja Salvador samtang gidawat niya ang iyang gold record award alang sa iyang debut album nga “Believe†niadtong Domingo. Nasayran nga nagpusot-pusot ang blessings nga nadawat ni Maja karong panahona. (Frenz Maireen F. Taborada, USJR Masscomm Intern)
Reward sa kaugalingon
Gipadayag ni Gwen Zamora nga reward niya alang sa iyang kaugalingon ang pagbakasyon niya sa Europe uban sa iyang boyfriend nga si Raymond Romualdez. Suma pa ni Gwen nga angayan lang nga mo-relax siya human sa sagunson niya nga trabaho sa showbiz.
Gilinyahan sa US
Gikatahong gilinyahan pud didto sa Amerika ang pelikula nila ni Sarah Geronimo ug Coco Martin nga Maybe This Time. Mipadayag ang pipila ka mga Pinoy sa maong dapit nga kusog ang karisma nila ni Coco ug Sarah busa ilahang gisuportahan ang maong pelikula.
Annabelle nakahilak
Giangkon ni Annabelle Rama nga gihilakan niya niadto sa dihang nasayran niya nga nagsabak ang uyab ni Richard Guttierez nga si Sarah Lahbati apan dali ra usab niya kini nga nadawat. Pinangga kaayo ni Annabelle ang anak ni Richard ug Sarah nga si Baby Zion.
Special guest si Piolo
Nagpanikad na si Maja Salvador sa iyang first major concert nga nag-ulohan og Maj karong July 12 nga himuon sa Music Museum. Si Piolo Pascual maoy special guest sa maong concert.
Hayden motungha sa Oxford
Kapin sa usa ka buwan nga motungha og Christian Apologetics sa University of Oxford si Hayden Kho. Nasayran nga aktibo usab si Hayden sa mga kalihukan nga makatabang sa iyang isigkatawo.
Gimik ni Jackie?
Gidungog nga gimik lang ni Jackie Rice ang nitumaw nga report nga matud pa nagsabak ang aktres. Gi-promote karon ni Jackie ang pelikula niya nga Kamkam.
Nakalimot na hinuOn
Nakalimot si Lauren Young sa pag-promote sa pelikula nila ni Richard Guttierez nga Overtime sa dihang ni-guest siya sa programang Celebrity Bluff. Giingong nakalimot si Lauren human nalingaw na siya og maayo sa maong programa.
Aljur makigbalik ni Kylie
Gikatahong nanguyab og balik si Aljur Abrenica ngadto sa iyang ex-girlfriend nga si Kylie Padilla. Matud pa nga nagmahay si Aljur nga iyang gibuwagan si Kylie.
Lei Alviz nagminyo na
Gikasal na niadtong Domingo ang GMA 7 news reporter nga si Lei Alviz ngadto sa iyang hinigugma nga si John Chung. Pipila sa miluhod sa ilang kasal mao sila si Mike Enriquez, Congressman Manny Pacquiao ug Philippine Red Cross Chairman Dick Gordon.
Hangover ni Psy mi-click dayon
Gi-release na sa global sensation nga si Psy ang bag-o niya nga single nga nag-ulohan og "Hangover†kung diin gikauban niya sa pag-awit niini mao ang rapper nga si Snoop Dogg. Sa maong video, makita nga hubog sila si Psy ug Snoop Dogg ug nakakuha na kini og 1.7 million hits sa Youtube sukad sa pag-upload niini sa miaging adlaw.
Suma pa ni Psy nga si Snoop Dogg maoy nag-compose sa "Hangover" ug gi-shoot kini sulod sa 18 ka oras.