PIK: Pinag-uusapan ngayon ang pag-amin nina Richard Gutierrez at Sarah Lahbati na may anak sila, tamang-tama namang nasa Picture! Picture! si Sarah sa Linggo ng gabi para lumaban sa kalahating milyong piso na jackpot kasama ang ilan pang alumni ng Starstruck na sina Ryza Cenon, Kris Bernal, at Rainier Castillo.
Mas gumanda ang rating ngayon ng Picture! Picture! nang nalipat na sa Linggo ng gabi pagkatapos ng 24 Oras Weekend.
PAK: Ibabalik daw ng TV5 ang Talentadong Pinoy na dapat ay ihu-host din ni Ryan Agoncillo at nagpapa-audition na uli sila. Pero parang kulang sa ingay ang nasabing audition.
Hindi yata gaanong napo-promote kaya hindi masyadong marami ang nag-o-audition.
Maibabalik pa kaya ang dating lakas ng Talentadong Pinoy sa pagbabalik nito sa ere?
BOOM: Event pala ni Ely Buendia sa Privato sa Pasig, nangyari ang bugbugan na kung saan nadamay si Saab Magalona.
Ipina-blotter ito ni Saab, pero hindi buo ang detalye kung bakit umabot sa ganung gulo.
Ang sabi, gatecrasher daw ang magkapatid na nambugbog ng mga kabanda niya, at umawat nga si Saab. Kaya pati siya ay nasuntok ng ilang beses sa mukha.
Pursigido si Saab na kasuhan itong mga nambugbog, pero nagtatago na raw sila.
Pinuntahan na raw itong mga nambugbog sa kanilang tahanan, pero wala raw doon at hindi pa raw umuuwi.