Bungalow na titirhan nina Sen. Jinggoy at Sen. Bong, matatapos na ang renovation

Nagsalita uli kahapon si Atty. Joel Bodegon tungkol sa plunder case ni Se­nator Bong Revilla, Jr.

Si Atty. Bodegon ang abogado ni Bong at sinabi niya sa mga panayam sa kanya na ready siya na mag-file ng motion para pigilan ang paglalabas ng  warrant of arrest laban sa kliyente niya.

Ewan ko lang kung mapagbibigyan ang motion na ihahain ni Atty. Bodegon dahil napanood ko na sa TV ang interbyu sa isang PNP official na nagkuwento tungkol sa kulungan sa loob ng Camp Crame na pagdadalhan kina Bong at sa kanyang mga kapwa senador na sina Senators Jinggoy Estrada at Juan Ponce Enrile.
Ipinakita sa mga news program ang nire-renovate na bungalow na magiging kulungan ng tatlo habang dinirinig ng korte ang kanilang plunder case.

Richard at Sarah dalawang taon na ang relasyon

Dalawang beses na na-bump off ang interview ng Startalk kay Martin del Rosario, na nag-deny na siya ang mhin sa kissing photo na kumalat sa social media ilang linggo na ang nakalilipas.

Naluma na nga ang isyu dahil loaded ang Startalk ng hot showbiz news na pinagpipistahan ng madlang-bayan.

Pero tiyak na mapapanood na ngayon sa Startalk ang panayam kay Martin na wondering dahil hindi na siya tinatantanan ng mga intriga at kontro­bersya.

 Maipalalabas na ngayong hapon ang interbyu kay Martin bago pa siya masangkot uli sa panibagong isyu na kumukuwestyon sa kanyang sexuality.

May complete report din ang Startalk tungkol kay Zion, ang anak nina Richard Gutierrez at Sarah Lahbati.

Ihahatid ng Startalk ang puno’t dulo ng relasyon ng dalawa na nagsimula nang magkasama sila sa primetime teleserye ng GMA 7, ang  Makapiling Kang Muli na umere sa telebisyon noong June 6, 2012.

Noong Biyernes ang second anniversary ng Makapiling Kang Muli kaya dalawang taon na rin ang love affair nina Richard at Sarah na biniyayaan ng isang baby boy.

True love ang tumama kay Richard dahil sa rami ng mga babae na na-link sa kanya, si Sarah ang inamin niya sa calendar pictorial ng pamilya niya noong 2012.

Nagulat ang mga reporter na bumisita sa pictorial ng Gutierrez family dahil hindi nila inaasahan na magkukuwento si Richard tungkol sa relasyon nila ni Sarah. ‘Yon din ang first time na inamin ni Richard sa press na girlfriend na niya ang young actress na nanay na ngayon ng kanilang anak.

Gwen na-I-excite makita si Zion

Hindi lamang ang madlang-bayan ang excited na makita ang hitsura ng anak nina Sarah at Richard. Kabilang ang aktres na si Gwen Zamora sa mga excited na masilayan ang anak nina Sarah at Richard.

Nabanggit ni Gwen na type na type niya na ma-sight si Zion nang makausap siya ng mga reporter sa pocket presscon ng Innamorata, ang afternoon teleserye ng Kapuso Network na malapit nang mag-goodbye sa ere.

Ang feeling ni Gwen, guwapong-guwapo si Zion dahil parehong good-looking ang mga magulang ng bagets. Tulad ni Sarah, mahusay magsalita ng French si Gwen dahil nag-aral ito sa France.

Isang araw na lang ang ipaghihintay ni Gwen dahil ipakikita na bukas sa It Takes Gutz to be a Gutierrez ang mukha ni Zion. Ang It Takes Gutz... ang reality show ng Gutierrez family na napapanood tuwing Sunday night, 9:00 p.m., sa E! Asia.