Krista: Hindi po ako masamang babae

CEBU, Philippines - “Hindi po ako masamang babae. Real estate properties ang  ibinibenta ko at hindi ang sarili ko.” Kini maoy unod sa press statement nga giapod-apod sa kampo sa sexy star nga si Krista Miller atol sa presscon nga gipahigayon kagahapon.

Si Krista subling nalambigit og kontrobersiya, human nasuta nga siya ang babaye nga nisulod sa hospital room  sa konbiktadong drug lord nga si Ricardo Camata didto sa Metropolitan Hospital niadtong Mayo 31, sa gabii. Si Camata kasamtangang nagbase sa nahisgutang tambalanan aron matud pa patambalan ang iyang balatian sa baga. Apan sentro karon kini sa imbestigasyon sa Department of Justice gumikan sa alegasyon nga usa kini sa nakasinati og VIP treatment sa New Bilibid Prison.

Sa footage nga nahuptan sa DOJ gikan sa CCTV camera sa tambalan, nakit-an nga 7:24pm kini niabot sa tambalanan kauban ang duha ka mga lalaki. Gisugat sila ni Camata nga naggikan sa gawas nga bahin sa lawak niini.

Mga 8:11pm, nakita nga nigawas gikan sa lawak ang duha ka mga lalaki gikan sa lawak ni Camata. Nahibilin si Krista kauban kang Camata sa sulod.

Pagka 8:21pm, nibalik ang duha ka mga lalaki nga kauban ni Krista, nagduha duha sila pagtuktok, apan gipasulod sila sa usa sa mga security escorts ni Camata. Nanggawas ra usab sila dayon, kauban na si Krista ug Camata. Ang tulo nibiya na sa lugar. Suma pa ni Krista sa iyang press statement, nagsugod pa lamang siya pagbangon pinaagi sa pag-artista, isip tipik sa bag-o pa lamang nahuman nga GMA7 primetime series Rhodora X. Apan dili matud pa paigo ang iyang kita busa nag-ahente siya og real estate properties sukad niadtong Enero. Andam matud pa siyang nakipag-alayon sa mga otoridad aron malimpyohan ang iyang ngalan gikan niining maong kontrobersiya.

Kahinumduman nga si Krista ang gitumbok nga hinungdan sa panagbuwag nila ni Cesar Montano ug Sunshine Cruz. Si Krista ug Montano nagkatrabaho  2013 biopic "The Turning Cradle: The Untold Story of Alfredo Lim," diin ang aktor maoy director ug bida niini.

Marian ‘Celebrity Magnet”

Sunud-sunod ang pasidungog ni Kapuso Primetime Queen Marian Rivera karong panahona.

Human siya napili isip Female TV Star of the Year sa Editors’ Choice category sa The 1st PEP List Awards, gipasidunggan na usab si Marian isip Celebrity Media Magnet Award sa YAHOO! Celebrity Awards 2014.

“Hindi ko alam na may award ako. Nagulat ako. Ang alam ko lang, pupunta ako rito,” nagkanayon siya ngadto sa PEP.

Bisan og gihilantan, nitambong si Marian.

“Siyempre, grateful ako.

“Ang laki rin ng Celebrity Magnet of the Year, ‘di ba? So, thank you.

“At napakabigat ng award na ‘yan para ibigay sa akin.

“So, thank you sa pagtitiwala nila sa akin.”

Suma pa ni Marian nga naa siya karon sa punto sa iyang career nga puros na lamang pasalamat ang iyang pagabatbaton gumikan sa sunod-sunod nga grasya nga iyang nadawat. Nag-anam-anam na pagbalik ang iyang product endorsements, nindot ang feedback sa iyang pagsulod sa Eat Bulaga particular na sa Juan for All, All For Juan segment ug aduna pa siya’y umaabot nga dance show.

Dina bilib kaayong Bea

Labihang nakadayeg sa award-winning actress nga si Dina Bonnevie sa iyang co-star ug bida sa umaabot nga ABS-CBN primetime teleserye “Sana Bukas Pa Ang Kahapon” nga si Bea Alonzo.

Suma pa ni Dina sa interview sa www.pep.ph  haom si Bea sa titulo niini nga “ Movie Queen of The New Generation.”

“Kasi, parang I have never encountered an actress of this generation na ganun talaga kagaling umarte, ganun ka-raw at ganun ka-sincere sa role.

“Kasi lang, even noong nag-story conference kami, talagang tinitingnan-tingnan niya yung dynamics kung paano kami connected, why we are connected, kung ano ang koneksiyon niya sa role ko.

“Talagang inaaral niya yung mechanics, yung dynamics ng role.

“Kumbaga, she’s not just there to act, kundi bawat scene ay pinag-aaralan niya.

“Parang second skin sa kanya ang pag-arte.”

Para ni Dina, wala siyay mahunahunaan nga artista sa henerasyon ni Bea nga nag-hit ang mga pelikula, gawas lamang sa nahisgutang actress. Bisan gani matud pa ang “She’s The One” nga dili si John Lloyd Cruz ang pares niini, malampuson man gihapon.