Mabuti na lang at may Celebrity Bluff sa GMA si Eugene Domingo kundi talagang maituturing na siyang in absentia. Panay kasi ang alis niya pa-abroad para mag-represent ng mga indie movies niya.
Kung sabagay, hindi lang si Eugene ang nawawala sa eksena ngayon kundi maging si AiAi delas Alas na Dyesebel lang ang show, Buti pa si Pokwang ang daming projects.
Richard at Sarah isang taong nambitin
Marami ang nagsasabi na napaka-damot naman daw ni Richard Gutierrez dahil hinintay pa ang pag-amin njya sa pagkakaroon nila ng anak ni Sarah Lahbati sa reality show ng pamilya nila.
Bagaman at wala na itong masamang epekto na ibibigay kay Richard, still marami ang naniniwalang maapektuhan sa ginawa nilang pangungumpisal ang pagkakaroon nila ng anak, lalo na kay Sarah.
TomCar fans hindi nawawalan ng pag-asa
Mukhang love na love ang dating ng bagong serye nina Carla Abellana at Tom Rodriguez na Kunin Mo na ang Lahat sa Akin. Marami silang fans na nananalig, na sa madalas at patuloy na pagsasama ng dalawa ay magkakadebelopan din sila. Kung single si Carla, may karelasyon naman si Tom na sa palagay ng marami ay nanganganib, dahil nili-link nga ang dalawa ngayon. Nakita sa unang pelikula nila na may chemistry sila, malakas at ramdam ito.
Kasama sa serye si Lorna Tolentino na hindi pa alam ang role. Will keep you posted.