CEBU, Philippines - Dili gyud makalimot si Deniece Cornejo sa iyang 23rd birthday niadtong Domingo gumikan kay iyaha kining gisaulog sulod sa prisohan partikular sa Anti-Transnational Crime Unit (ATCU) sa Criminal Investigation and Detection Group (CIDG). Adunay party nga nahitabo ug nilugwa usab ang daghan niya nga mga bisita ug usa na niini ang laing babaye nga nipasaka og kasong rape batok kang Vhong Navarro nga si Roxanne Cabanero ug naghinilakay ang duha sa ilang panagkita.
Nag-ilhanay pa
Gipadayag ni Jessy Mendiola nga ila-ilahon pa niya og maayo ang special friend niya nga si Sebastian Gasca. Giingong boutan kaayo ang maong lalaki busa nakakuha kini og atensyon sa aktres.
Saab gikulata?
Niulbo ang taho nga matud pa nga gikulata si Saab Magalona sa mga tawong hubog. Wala pa mohatag og official statement si Saab kalabot sa maong report. Giingong nalandig si Saab sa hospital gumikan sa maong hitabo.
James sa MTV Pinoy
Si James Reid mao special guest karong buwana sa MTV Pinoy. Makahigayon si James nga maka-promote og todo sa follow-up movie nila ni Nadine Lustre nga Talk Back and You’re Dead.
Tina dili manginlabot
Gipadayag ni Tina Paner nga wala siya’y kalibutan sa giingong relasyon sa iyang igsuon nga si Danita ngadto sa TV host nga si Willie Revillame. Gipadayag ni Tina nga dili siya manginlabot sa lovelife ni Danita.
Greta mokiha unta
Giingong nagplano diay si Gretchen Barretto nga mokiha sa iyang igsuon nga si Claudine Barretto gumikan sa gipanulti niini batok kaniya. Apan wala kini madayon gumikan gitambagan siya sa iyang abogado nga dili na lang ipadayon aron dili mosamot kadako ang kagubot.
Mitigi sa Maleficent
Mapasalamaton sila si Coco Martin ug Sarah Geronimo gumikan kay wala gyud kalimti sa mga tawo ang pelikula nila nga Maybe This Time bisan pa man nga nagkadungan ang pagpasalida niini sa pelikulang Maleficent ni Angelina Jolie nga gilinyahan pud og maayo sa sinehan.
Miangkon na gyud
Mapasigarbuhong gibutyag ni Richard Gutierrez nga duna sila’y anak ni Sarah Lahbati nga ginganlan og Zion. Nasayran nga sa miaging tuig pa kining maong mga huhungihong nikatap apan ila lamang kining giangkon pinaagi sa pilot episode sa programang “It Takes Gutz to be a Gutierrez†sa E! Channel niadtong Domingo sa gabii.