Lalaking pumatay ng karibal nasukol ng Imbestigador

MANILA, Philippines - Nasorpresa ang mga Kapuso viewers sa naka­lipas na mga araw dahil nakikisugod-bahay ang Prime­time Queen na si Marian Rivera sa Juan For All, All For Juan ng Eat Bulaga. Ngayong Ling­go, samahan ang batikang broadcast journa­list na si Jessica Soho na makikisugod-bahay sa kanyang pagbisita sa mga Dabarkads sa weekly news magazine show ng GMA – ang Kapuso Mo, Jessica Soho.

Samantala, isang sorpresa ang naghihintay sa batang may kapansanan sa paningin na kuma­kanta ng Wrecking Ball sa isang viral video. Na­tag­puan ng KMJS sa Davao Oriental ang batang si Joyce na araw-araw daw naglalakad ng kalaha­ting kilometro para lang makinig sa telebisyon kina Bossing Vic Sotto at Ryzza Mae Dizon. Abangan ngayong Linggo kung ano ang sorpresang matatanggap ni Joyce.

Kilalanin naman ang amateurista na si Reign na tunay na panatiko ng bandang Aegis. Tuwing sumasali siya sa mga amateur singing contest, mga kanta ng Aegis ang kanyang pambato. Ngunit habang nagpe-perform siya, walang kamalay-malay si Reign na may makikipag-showdown sa kanya!

Tampok din sa KMJS ang bagong dance routine ng mga Cebu Dancing Inmates, ang tatlong Suffer Sireyna na maglalaban-laban para sa isang date kasama ang Kapuso star na si Martin del Rosario, at ang sorpresa ni Jake Vargas sa kanyang mga tagahanga.

Pagkatapos ng KMJS, tampok sa Imbestigador ang masalimuot na love story ng isang babaeng nagmahal ng tatlong lalaki.

Hindi lang sa mga telenobela nangyayari ang masalimuot na kuwento ng pag-ibig ni Riza. May-asawa na siya, pero lingid sa kaalaman ng kanyang kabiyak, may dalawa pang mangingibig si Riza. Ngu­nit sa halip na “happy ending,” nauwi sa trahedya nang magkabukuhan sila.

Napatay umano ang karelasyon ni Riza na si Manuel sa San Juan, Batangas noong Mayo 29, 2010. Ang suspek ay ang isa pa niyang nobyo na si Junel. Naglabas ng warrant of arrest para sa suspek pero hindi na siya nakita pa bago pa man siya mahuli. Makalipas ang halos apat na taon, nabingwit din ang suspek ng pinagsanib na puwersa ng Batangas at Laguna Police kasama ang Imbestigador.

Huwag palampasin ang back-to-back treat ng Kapuso Mo, Jessica Soho at Imbestigador nga­yong Linggo.