CEBU, Philippines - Giangkon ni Jessy Mendiola nga malipayon siya karon gumikan sa bag-o niya nga Colombian friend nga ginganlan og Sebastian Lopez.
Giingong bag-ohay lang sila nga nagkaila didto sa Boracay apan nakugang na lang si Jessy gumikan kay gisundan gyud siya niini sa dihang nitikang siya sa Jeju Island, Korea aron lang gyud sila nga magkita.
Vice nag-sorry sa viewers
Emosyonal nga nangayo'g pasaylo ang komedyanteng host nga si Vice Ganda ngadto sa mga viewers sa It's Showtime. Nasayran nga gasige og absent si Vice sa maong programa. Adunay mga pagduda nga resulta kini sa panagbuwag nila sa iyang boyfriend nga usa ka basketbolista.
Naa sa TV5
Gibutyag sa maguwang ni Daniel Padilla nga si Matt nga proud siya sa naabot karon sa iyang igsuon. Pangandoy niya nga masusama siya kasikat sa iyang manghod. Nalakip si Matt sa bag-ong programa sa TV5 nga "Jasmine"
Paolo gipasigarbo ni LJ
Mapasigarbuhong gibutyag ni LJ Reyes nga bisag nagbuwag na sila ni Paolo Avelino, wala gihapon nagkuwang ang aktor sa pagsuporta sa ilang anak nga si Aki ug kanunay gyud kini nga mobisita sa ilang balay. Suma pa ni LJ nga dili niya damayon ang ilang anak sa away nila ni Paolo niadto.
MHL Book Two
Gipadayag ni Dennis Trillo nga dunay posibilidad nga magama ang "My Husband's Lover Book 2." Nasayran nga bisan dugay na nga nahuman ang maong top-rating drama series sa GMA network nga "My Husband's Lover" , wala pa gyud mahupas sa huna-huna sa mga tawo ang tandem nila ni Tom Rodriguez sa maong serye. Junas Flores Tiu, CNU Comm Intern