Padungdungog ha…

CEBU, Philippines - Gilimod sa singer nga si Nikki Gil ang isyung gipahinungod niya sa iyang ex-boyfriend nga si Billy Crawford ang kantang "Babalikan Mo Rin Ako" nga mugna ni Soc Villegas. Kini human nisugot ang singer nga mamahimong interpreter sa maong kanta nga giingong usa sa 12 entries sa Philpop 2014.

Ngil-ad nga polis

Gikatahong wala'y pagduha-duha nga modala isip kurap nga polis sa Cinemalaya entry nga "The Janitor" ang aktor nga si Derek Ramsay. "This one is what I'm excited about because hindi pa ako nakakagawa ng character na ganito ka-dark." tsika sa aktor ngadto sa Pep.ph.

Hinabang kang Zafra

Human sa balitang na-ospital ang Palanca awardee Jessica Zafra niadtong Lunes sa gabie human kini naabtang "conscious but disoriented" sa iyang apartment, nangayo og tabang ang mga suod nga higala niini para sa pagpatambal sa sikat nga writer. Nag-post ang writer nga si Joel Pablo Salud ngadto sa iyang Facebook account aron mangayo og donasyon para sa pagpatambal sa suod nga higala

Magbinayot na sab

Modala na sad og "gay role" ang Kapatid actor Alwyn Uytingco sa bag-ong salida sa TV5 nga "Jasmine." "It's a very healthy challenge para sa akin," hulagway sa aktor. Ang Jasmine bag-ong suspense-drama show sa Kapatid network nga pagabidahan ni Jasmine Curtis-Smith

Lupigan sa anak

Emosyonal si Karla Estrada sa dihang nahatag sa iyang anak nga si Daniel Padilla ang iyang "dream house." Proud si Karla sa iyang anak kay sulod sa tulo ka tuig sa showbiz, nakapatukod na kini og panimalay. "I've been an actress for about 25 years, hindi ako nagkabahay. Ngayon, nakakatuwang si Daniel, sa loob ng tatlong taon, nagkabahay kami" matud pa sa aktres.

Mapasalamaton sa TV5

Malipayon ang Kapatid actress Jasmine Curtis Smith sa TV5 nga bisan tulo pa siya ka-tuig sa showbiz, nahatagan na kini og teleserye nga pangan niya mismo ang titulo. Gikatakdang magsugod ang teleseryeng "Jasmine" karung June 1 sa Kapatid network diin artista gihapon iyang karakter sa maong teleserye.

Nabunyagan na

Gibunyagan na niadtong Miyerkules ang anak sa Kapuso star Mark Herras nga si Ada Sofia Nicolette. Kini human gi-upload sa aktor ngadto sa social media ang mga imahe sa iyang anak atol sa bunyag. "Feeling blessed" matud pa ni Mark ngadto sa iyang cute nga anak.